معذبني غرامك ( قصة جريئة)

38

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 38

لقليلة فداك العرس تطلقات شي 100 بارودة.. بالفرحة الباردية هسترو بالفرحة ...الدوار كولو تقلب كولو و لي ما كان عليه بحضور جا يتفرج..

كان بن عيسى وسط الساحة معكز على عكازو و عينو على ولدو قلبو كيدق بالجهد و الفرحة خلات عينو تدمع... ما عمر ينسى فرحتو نهار جا هاد الولد لدنيا .. خرج وافي من كرش مو و حال عينيه و حجبانو معقودين .. و سمعاه بن عيسى العربي غا على وديت هاد الشي حيت شاف فيه داك الراجل لفحل لي رباه احسن تربية .. خسر د..م جوفو عليه قراه فالمدينة واخا كان يخمس عند عباد الله و يضرب تمارة و يصيفط ليه باش يعيش ..

مسح دمعة من عينو هبطات و تبسم فاش شاف ولدو من فوق عودو كيتبسم ليه فرحااان ..ما كانش فرحان بالزواج او بالعرس .. انما كان فرحان باللحضة و بهوايتو المفضلة ...

داز الوقت و لعشية تعاشات و الشمس غابت و هاد المرة فدار القايد ..

كانت جالسة فالبيت و ساااهية اللون مخطوووف من وجها و الخلعة شاداها ما صبعان رجليها .. صافي وصلات للحقيقة ..ليوم غتمشي لدارو .. ليوم غيدخل بيها .. اليوم الدوار كولو غتكون عينو عليها.. و غيتسنا يشوف السروااال ..

بلعات ريقها كتشوف فمغنية داخلا عليها لابسا قفيطينها وداخلا تشوفها فين وصلات لقاتها فين خلاتها :اويلي امغنية اصاحبتي زدتي فيه بزاااف على الخلعة ..

مغنية تنهدات و نطقات : غنموووو.. ت بالخلعة امنانة غنموووو..ت .. قلبي غيحبس.. اري يدك تشوفي شحال كيزدح...

و سدات ليها يدها حطاتها ليها على صدرها كتوريها: شتي علين يخرج..

منانة بدات كتقيص ليها فبز.. زولتها كنوع من المزح و نطقات : لا ما حسيتش.. حسيت غا بهاد الخير د لبزا..زل لي هازا حق بنت الشراضي اليابسة ديتيه ليها ..

مغنية ضربات ليها يدها : قو.. دي عليا شوفي انا فاش كنفكر و نتي فاش كتفكري..

منانة : اويلي طلقيها تسرح مالك كترعدي راه غا دخلة هادي ...

مغنية حركات راسها بلا و نطقات : هادي ماشي دخلة هادي مسألة حياة او مو.. ت عرفتي مي اش فالت ليا ..

منانة هزات قفطانها قرباتو ليها و نطقات : اش قالت ..

مغنية بلعات ريقها و عينيها لمعو بطبقة د الدموع تجمعات فيهم : قالت ليا لا ما كنتيش محافضة على شرفك اندب.. حك ،..

منانة : و دييييرها خالتي حليمة دبرها ...

مغنية شافت فيها : شكيت فراسي بقوة الخلعة ... و لا صدقت ماشي عزبة..

منانة ميقات فيها و نطقات: نوضي نتاعت ربي ما غي نوضي تقو.. دي .. كونما كنت مكنتفرقش عليك نقول اه ضحك عليها شي حد ... و تقبها و زاد

مغنية بقات ساكتا و الخلعة بااينا عليها نيييت .. منانة بقات فيها بزاف : شوفي اصحيبتي .. شتي ديك البكرة .. راه الرجااال الشلاااغمية .. موسطاجو يعمر مسمند.. و كيبقا يحفر بز*** يالله باش كيقد يسيل الد.. م و نوضي ما تخافيش .. راك عزبة و غتفتحي على يد حبيبك .. و نوضي قادي حالتك خلاص دابا و هوما وصلو يديوك تكعدي ...

تنهدات مغنية و كلام منامة خفف عليها نسبيا.. و ناضت مشات لحمام غسلات وجها هو لول .. و خرجات لبسات عليها قفطانها د العرس و بدات كتقاد ماكياجها .. دارت ماكياج بلدي بسيييط ..

غرغرااات عينيها بالكحل البلدي بالمرود و سيحاتو شويا مع الجناب بحال لأيلاينر .. و رفعات رموشها بماسكارا .. حمرات حنيكاتها ب لبلاش.. و ضراتها بتعكيرة حمرة من صواب الحال .. جات كتفتن..

شعرها طلقاتو ساااالف رطب كي لحرير .. و دارت شال غير هاكدا من لفوق حيت اصلا فاش غيجي العربي يديها غيجيب معاه يزار باش يغطي ليها وجها ما يشوفها حد .. حيت غتكون مخالطا نسا و رجال ..

تنهدات وهي كتشوف منانة كتمد ليفاليز ديالها ابراهيم يهبطهم لطوموبيل يسبقهم .. و شافت انعكاسها فالمرايا .. قلبها حرفيا كان علين يوقف و كتحس ب بومزوي بدا يدخل معاها من قوة الخوف و الخلعة ..

شافت فيديها لمطيبزبن لي كان مزينهم خاتم زواجها العين و الحاجب.. و السرتلة لي هدا ليها عزيزها .. كانو كيترعدو بزاااف .. و رجعات شافت فلمراية كتقرا القرآن و شي اذكار آخرين ... تا قفزات حاطا يدها على قلبها فاش سمعات صوت البارد طرطق فالسما ... و صوت التعشاق و الزغاريت دنسا...

بلعات ريقها بزز و نطقات : وصلو ...

#يتبعععع

حشومة عليكم بزاااف كتقراو و نجمة هي لخرانية ما كتخليوهاش 💔