معذبني غرامك ( قصة جريئة)

158

..
مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏ Part : 158

مغتيك خرجات فيها عينيها ما مستوعباش اش كتقول : اويلي اش كتقولي .. ما درت لا عشوب لا مساخن هاد المرة ..

منانة : كتباتي اختي مقلشا وجليك فالسما هادشي غا لي حاضرا ليه انا ..

مغنية بقات سااكتة كتحاول تربط لخيرط ببعضياتها ولكن ما متأكدة من والو : و دابا كي ندير نتأكد راني حاملا اويلي حي ..

منانة : قولي لعربي يجيب ليك طيسط..

مغنية حركات راسها بلا : لا حيدي عليا غتكون هادي غا لحرامية " ليغيكل " جايا راه مي ديما كانت خاليا دار بويا بسبابها كتشك فيا حاملا ..

منانة ضحكااات تا دمعو عينيها و ونطقات : اوا صافي شوفي انا هاد لعشية غندير السبة بالدهب ديالي نجي ناخدو ..و نجيب ليك معايا واحد الجوج راهم شايطين ليا هنا .. تا انا سيدهم براهيم قالت باغيني نهز تاني نربيوهم على بعضياتهم .. انا دايرا ليه لخاطر .. على الله ما نحملش دابا ما عنديش كانتو ..

مغنية بلعات ريقها و حركات راسها بواخا و نطقات : و صافي تا تجي و حيبي ليا معاك نتأكد .. راه ما غتكون تا حاجا شتي فلحمل لأول ما خليت عشوب ما خليت مساخن.. راه غا تكون غا المصيبة الكحلة ..

قطعات معاها .. و بقات متكية فبلاصتها و قلبها كيضرب .. بلعات ويقها كتفكر فهضرة منانة و بلاما تحس حطات يدها فوق من كرشها لي كانت قاصحا .. و بقات كتقول مع راسها زعما ممكن تحمل بهاد السهولة من بعدما دارت اجهاض غير بشي شهورا ..

بقات تماك كتخمم و تتحسس بطنها براحة يدها .. كتتخايل راسها ام و عندها وليدات مع العربي .. كتتخايل داك الشعف ديالها ليه كيوجع قطرة ب قطرة .. تنهدات تنهيدة طويلة ..يالله بدات كترجع كيف كانت شويا بشويا ولكن شي حاجة فيها لداخل باقي مجروحة .. زعما ممكن لا كانت حاملة يتداوا داك الجرح و ترجع لحياتها عادي .. و يرجع ليها داك الشعف لي فقدات ..

كانت ساهية غاارقة فدوامة افكارها ما رداتش ليه لبال كاع بيلا دخل .. هو لي غير شافها هاكداة باقي فبلاصتها قرب لعندها .. كيناضرها بعيونو.. كان وجها صفررر .. نطق برجرلية مخاطبها و مفيقها من دوامة افكارها : مغنية .. مغنية ..

مغنية فاقت من سهوتها و شافت فيه بهداوة و نطقات : العربي جيتي ..

العربي حرك راسو بالإجاب و نطق : ياك لاباس ..واش تا هاد الصبح صبحتي مريضة .. نوضي لبسي عليك نديك لطبيب..