معذبني غرامك ( قصة جريئة)

145

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 145

ابراهيم ضيق فيها عينيه و ميل فيها راسو و نطق : شكون ..

بلعات ريقها و كتاخد انفاسها بعمق و بقات سااكتة لوهلة خافت على راسها تا نطق هو : غير نطقي عليك الأمان ما كاين لي يوصلك ... كلمة د الرجال

خولة حركات راسها بواخا و نطقات :   حسناء بن الشرادي و السيمو ولد بوشتا هوما لي داروها ...

العربي  طول فيها الشوفة و نطق بشك : متأكدة ..

خولة حركات راسها بالإجاب و نطقات مأكدة كلامها : نهار شعبانة ديال مينة بنت الخمار .. كنا مجمعين ... كنت انا كنصور عادي و كنضحك مع لبنات .. فاش سالات الحفلة خدات ليا هي طيليفوني صيفطات داك الفيديو قلت ليها علاش قالت ليا غير بغيتو يبقا عندي عجبني ...  حتى كنتصدم بالفيديو لي خداتو من عندي و حطاتو فاليوتيب هي وياه ...

ابراهيم حرك راسو بهداوة .. كان هاديء عكس الناار لي شعلات فيه .. شاف فيها هي و نطق :و نتي ما عندك يد فهادشي ..

خولة تجمعو الدموع فعينيها و نطقات : والله ما كنت عارفاها غدير هادشي كولو انا كنت علا نيتي .. و فاش مشيت قلت ليها علاش و انا غنحصل معاكم و هي تهرس ليا الطيليفون لي صيفطات منو الفيديو و هدداتني ..

بقا ابراهيم ساكت و كيشوف فيها و نطق محافض على هدوءو:  هادشي غتمشي معايا تقوليه لجادارميا ..

خولة خرجات فيه عينيها و حركات راسها بلا و نطقات بترجي : لا عافاك .. ما نقدر با و خوتي يقت لوني ما نقدرش..

ابراهيم دوز يدو على وجهو بنقاد صبر رجع كيغلي بلغدايد و نطق بصرامة : ما عندك مناش تخافي ياك نتي ما كنتيش عارفا اوا غتكوني غي شاهدة ..

خولة نزلو دموعها و نطقات بصوت باكي : والله ما نقدر .. خوتي راك عارفهم صعاب ..

ابراهيم : ما كيهمنيش خوتك .. نهار لول فاش وقع داك الشي كان عليك  تجي تهضري ماشي تا لدابا ..

خولة زادت فلبكا كترغب فيه : ما قدرتش.. كان السيمو غيتزوج بيا خفت عليه و سكت حيت بغيتو ..

ابراهيم نطق بحدة : و هادوك لبنات لي تشوهو فالدوار و دوك الديور لي تشتتو ما بقاوش فيك شتي غي راسك فهادشي كامل ..