معذبني غرامك ( قصة جريئة)

60

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 60

دخل لدار .. لقا السقيل غير صوت لبقر و لعجول كيتناداو من الزريبة ... دار لبيتو حط ديك الميكة فوق الناموسية .. و زاد دخل لبيت لكلاس.. لقاها مخليا ليه حقو تا هو .. و لقا غير باه كيتفرج لباب الحارة ..

عندها هي ... نصبات لعشا و دارتو يطيب..و جلسات تاني لاهيا راسها وسط الكوزينة تستف هادي و تقاد هادي من هنا كتقاد كوزينتها على مزاجها .. محاولا ما امكن تخرج نفسها من ديك الحالة د القهرة و الإنهيار...

داز الوقت تاني .. و حطات لعشا .. كانت كتاكل فصمت و كتشوف غير بعويناتها .. و هو كان منشاغل مع باه .. يقرب ليه اللحم من هنا يمد لخبر من هنا ..

تا سالاو و هي جمعات الطبلة و مشات الكوزينة تغسل لماعن و تستفهم و ديك الروتين الليلي د الدار ..

سالات شغالها .. و توجهات لبيتها .. مع الدخلة كتبان ليها ديك لبلاستيكة هاكداك فوق الناموسية .. قطبات حجبانها و نتابها الفضول تعرف اشنو محتواها: اشنو هادشي ..

قربات اكثر تابعا فضولها هزات الميكة بين يديها حلاتها و هي تلقا فيها باكية ديال الفوط الصحية.. خرجات عينيها فيها بذهول كتفك لوراق لي مغلفهم بيها مول لحانوت و نطقات بهمس : والله تا جابها ..

تحول الذهول فملامحها لإبتسامة زوينة كتفتح النفس.. و فلخضة كاع داك الإحساس الخايب باش كانت كتحس تبخر و الفرح جناح قلبها.. فلحضة و بجيست جد بسيط قدر يقلب مورالها ..

هي مزالا كتتبسم و قلبها كيدق .. تا كتسمع حس الباب تفتح و صوت تحنحينتو الرجولية و هو داخل ...
دارت لعندو بالزربة عويناتها كيلمعو .. و هو كيرمقها بنضرات هاادية .. و هي تقرب منو بخجل و هزات فيه عويناتها كترمش و نطقات برقة : الله يخلف عليك العربي شكرا ...

العربي حرك راسو بهداوة ونطق : بصحتك ..

و زاد نصل تيشورت ديالو و تكا فوق الناموسية حاس براسو عاطيه الصداع.. ضغط على محاجر عينيه بطراف صباعو و نطق : طفي الضو و دوزي تركدي ...

مغنية تبسمات و نطقات : واخا ..

و قربات منو و نطقات : واش راسك ضارك نجيب ليك فانيدة دحريق الراس ...

العربي حرك. راسو بلا و نطق : لا دابا بدوزني.،

مغنية حركات راسها : صافي على خاطرك..

العربي نطق مديرونجيه الضو : و طلقي راسك طفي الضو و حي تركدي

مغنية تبسمات و نطقات : واخا ..

و مشات حطات داك أولويز فلمجر... و مشات الحمام دارت روتينها الليلي .. و رجعات لقاتو نعاااس من لعيا د السوق ... تبسمات و مشات بالخف رشات واحد لعطر خفيف و طفات الضو و الطلعات لناموسية غير بالشويا ما باغاش ديرونجيه.. و تكات حداه .. و قلبها غيطير بالفرحة ...

#يتبعععع 🤤🔥🔥🔥

قريتي .. خلي ڤوط و تعليق فضلا 🫶