معذبني غرامك ( قصة جريئة)

67

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 67

مغنية زيرات على فمها بغضب و ندافعات لعندها : اش كديري نتي هنا هاه ..

حسناء ميلات فيها راسها كطلع فيها و تنزل كترمقها بنضرات كلها استهزاء و نطقات : كتنعسي حداه بهاد الحالة بحال شي شارفة مغنبرة ...

كانت كدوي و طلعها و تنزلها بصبعها الشاهد بحركة تنقيصية.. كتناضرها بنضرة تعالي و احتقار... : ويلي محرزة راسك فزيف حياتي و ريحتك خانزة كتعطعط...

مغنية بلعات ريقها مزيييرة على فكها و الهضرة ديال بنت الشرادي طلعات معاها حرف بحرف ...

و لوخرا ما سكتاتش .. زادت قربات عندها متعمدة تزيد تسممها بكلامها و تهز ثقتها فنفسها : العربي مسكين تزرف .. على مزيناتو راجل دايك نتي فيك ريحة شحمة العيد .. ياااع .. غليضة هركاوية كتعيفي

ميلات فيها راسها كتتبسم بإستمتاع متعمدة تستفزها اكثر : اجي واش كيعاشرك بعدا .. مسكين يحسن عوانو كيقرب منك و نتي دايرا بحال هاكدا .. مديفورميا و كرشك خارجة و عرقانة خير بوحدك ..

كغنيمة كلامها جمدها ديال بصح شككها فراسها .. و لوخرا حالفا ما تسكت تا طيحها بالأعصاب : اتسهلي عليا المأمورية بزاااف .. غناخدو ليك بكل سهوولة ..

مغنية كانت هادي هي النقطة لي فيضات ليها لكاس .. ندافعات لعندها و هزات يدها تا لفوق و هبطات عليها بكف قاااصح .. تا وجها دار للجهة لوخرا و صوت الكف تردد صداه فالبيت كولو و نطقات : الا سميتك مرا قربي ليا لراجلي و غتشوفي لاما درتش ليك الشوهة ...

حسناء دارت لعندها حاطة يديها على حنكها لي تصورات فيه صباع مغنية .. تبسمات بحقد و نطقات : ما تخافيش احبيبة.. ما غنتزوجش بيه .. غير غندي قلبو و نخليه يبقا تابعني كي الكـ..لب و نتي تبقاي تتحصري عليه وسط هاد البيت المعفن ...

مغنية حد هنا و صافي دارت ليها النقشة و ما بقاتش عاقلا على راسها اش كدير ... طارت عليها من شعرها جابداها لأرض طيحتها و لوخرا كتغوت .. و هي تبرك عليها مغنية و بدات عليها كتنتف فيها و تصرق و تسد ليها ف فمها باشما تغوتش... ما بعدات عليها تا نتفاتها مزيان و جوج زغبات لي كانو فوق راسها نتفاهم ليها تا خلاتهم فيديها .. و حناكها حمرااتهم ليها بالتصرفيق مزيان ..

خلاتها كتكي و تسب و تعاير فيها بأقذر الشتائم .. و مغنية واقفا كتنسل يديها من زغبها ببرودة .. بردااات فيها غدايدها مزيااان و خوات فيها سمها : هادي غير شويا من بزاف نهار نرجع نعاود نلقاك كدوري بالعربي راجلي رجليك غنقطعهم...

وقفات حسناء بزز راسها حرفيا خايض عليها و كيحرقها بقوة النتيف و حناكها تا هوما حمارو شاف فيها كبكي و نطقات بحقد : والله حتى ندمك ... والله تا نخليه ف فراشك كيعاشرك و ينطق بسميتي انا ..

مغنية ضحكاااات مخبية غضبها و نطقات : لمخير فحمير بوك حاسيه و ركبيه اما تا لخيل بزاف على النصاب دبوك يا لمحكوكة لمارجة .. قح.. بة الدوار