معذبني غرامك ( قصة جريئة)

36

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 36

و قدام دار بن عيسى كانت ساحة كبييييرة واسعة و العريضة .. كانو فيها جوج ديال لخزانات كباااار ... مفتوحين على ديك الساحة و كلهم مستفين بالطبالي و و الكراسة .. كيتسناو غير المعازيم يوصلو ..

أذن الضهور و الرجال د الدوار كلهم تجمعو فالجماع كي العادة يصليوه..

سالاو .. خرجو من الجامع و تجمعو على لهدية لكبيييرة لي كانو موجدين .. و انو غاديين ف كرويلة كبيييرة جارها عود .. غاديين و كيصليو على النبي بصوت واحد .. و الدار لي دازو من حداها يسمعو تزغريتة من ورا شي حيط.. النسا ما خاطيين تا قنت ..

الهدية كانت عبارة عن كراطن د السكار و بادا ديال الزيت و خناشي ديال السميدة و الطعين .. و صنادف د الخضرة و الديسير .. و جوج حوالا كبار ..

وصلو الرجال د الدوار بالهدية .. لقاو العربي و بن عيسى و ابراهيم في استقبالهم ..
سلمو عليهم كيستقبلو التهاني و المباركات من عندهم ..

سلم لفقيه د الجامع على العربي و نطق بنبرة وقورة و رزينة : مبروك عليك اولدي .. بالرفاه و البنين الله يرزقكم بلهنى و راحة البال ..

العربي تبسم برجولية و نطق بهداوة : الله يبارك فيك اسي الفقيه ..

الفقيه خرج من جيب جلابتو البيضا واحد الجوا .. حطو لعربي فيدو و نطق :شي براكة جمعوها الرجال ديال الدوار .. تعاون بيها ..

العربي تزنك و ابتسامتو مزينا ملامحو الرجولية كان باين عليه هو لعريس غير من ديك الجلابة البيضا دالسوسدي بقوامها لي كان لابس .. مع البلغة الصفرة فرجلو كان منضرو رجولي بزاف :الله يخلف عليكم اسي لفقيه ..

الفقيه ضرب ليه على كثفو : انشاء الله فاش دير وليدات.. جيبهم نحفضهم القرآن كي حفضتو ليك ..

العربي ضحك و حرك راسو بالإجاب و نطق : الله اودي ضروري اسي لفقيه ..

بقا مجمع معاه كينصحو تا دخل هو وياه لخزانة عند الرجال جلس معاهم هو و بن عيسى يعطيو الصواب ..

اما فالدار لداخل فكانت الطيابة و العيالات لي جايبا معاها يعاونوها واقفين على لبرارد دأتاي كيوجدو ليهم التعامر.. و كيوجدو الدواز ديالو .. وجدوهم على تيساع...

عاد دازو .. يبداو فلمحاط ديال الدجاج لحمرو اللحم.. سبقو د الحاج هو لول .. 3 دجاجات فالطبسيل لكبير ديال الطاوس...

و الدراري ديال الدوار لعزارة لي بلا زواج صحاب العربي د الجامع واقفين فلمراح كيتسناو فالطيابات يخرجو ليهم ما يوصلو لخزاين

العربي بقوة ما كان بنادم كيحتارمو نهار عرسو عرفوه ما غيكون عندو عوين كانو هوما لعوين ديالو .. لي كان ما فحالوش و ما عندو باش.. جا يعاون واخا غير بيديه يتسخر على الأقل ..

و تا العربي .. كان واقف على ضيافو ..
فاش كلشي وصل و الحضور اغلبهم جاو .. بدا لغدا كيتدفع و تمو الدراري ديال الدوار داخلي لخزانة بالدجاج بالدغميرة هو لول .. نزلوه بيه بالخبر ديالو و المناضة...

شويا حسو بالناس سالات الدجاج .. و هوما بردفو ليهم الغطران ديال اللحم د البرقوق...

وقف بن عيسى حدا العربي لي كان واقف فالباب د الخزانة و نطق رافع صوتو : امرحبااا بيكم ...

ردو عليه بفم واحد كلهم : الله يبارك فيك .. الله يقوي الخير

لي قرات تخلي ڤوط و تعليق ✅❌⚠️