معذبني غرامك ( قصة جريئة)

156

..
مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏ Part : 156

منانة : آه مشات لدارهم جرات عليها مها و خوفاتها بخوتها .. و تا عيادة ماين سيمو جات تاهي علين تحماق كتنتف فراسها و تغوت ربي لي خلقها .. حيت تا هي غي قبلما تنتا ..حر بشي تلوت ساعة جات لعندها فاش جرات عليها مها مسكينة ..

مغنية ما حدها كتسمع ليها و هي دموعها كيدوزو و نطقات بصوت باكي : الله يرحمها و يغفر ليها .. الله يغفر ليها ..انا مسامحا ليها دنيا و آخرة يا ربي انا مسامحا ليها ..

منانة : صافي ما تبكيش اصاحبتي..الله يرحمها و يعفر ليها حتى انا مسامحا ليها .. ولكن هذا راه عقاب ربي ليها ..

بقاو كيدويو هاكداك شي ساعتاين.. تا طاح الضلام عاد قطعو .. دخل العربي لدار .. لقاها جالسة فلمراح و كتبكي .. قطب حجبانو و قرب لعندها و نطق :مغنية مالك علاش كتبكي ..

مغنية شافت فيه بعويناتها حمرييين و نطقات بصوت باكي : على حسناء بقات فيا بزاف ..

العرلي تنهد تنهيدة طوييلة و قرب لعندها جلس جداها و ضمها لصدرو كيطبطب عليها و نطق : الله يرحمها و يغفر ليها ..

مغنية زادت تنخشات فيه كتبكي مقهوورة و نطقات : علاش دارت فراسها هاكدا علاش ..

العربي زاد حتى هو زيرها عندو حط دقنو فوق راسها و نطق بهداوة : من قلة إيمانها الله يغفر ليها .. كان عندها ميات حل غير انها تدير فراسها ديك الحالة .. ولكن قلة إيمانها مشات هي و 7 آخرين حتى هوما و مزال كاع لي باقيين عايشين راهم فالإنعاش موحالش يعيشو..

مغنية زادت فلبكا اكثر متأترة بزاف ... وهو خلاها على خاطرها كتبكي فحضنو ..تا فشات قلبها و بدات عينها كتديها و هو ينطق : تعشيتي بعدا ..

مغنية هزات راسها فيه كترمش بعويناتها لواسعين مجبهم ليها النعاس و نطقات برقة : لاء ما عندوش منين يدوز ..

العربي تبسم فوجها كيشوف فيها شوفات دافيين ..و قلبو كيغلي عليها..احساس رجع متالبو مأخرا .. سبحان من زرع محبتها فقلبو ..
هبط طبع قبلة دافية على جبينها و نطف بهداوة : نوضي يالله ندخلو نعسو بحالنا ..

مغنية بقات كتشوف فيه دابت من شوفاتو ..داابت من حنيتو عليها .. بلعات ريقها و نطقلت مبعدا عليه : واخا يالله ..

و ديك الشي لي كان ...

فدار القايد .. دخل ابراهيم بخطوات هادية بان ليه الضو د الصالون شاعل عرفهم غيكونو تماك جالسين .. دخل بنات ليه الحاجة جالسا هي و حليمة و منانة كيتهاودو ..