معذبني غرامك ( قصة جريئة)

110

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                 Part : 110

في الجهة المقابلة... عند مغنية .. كانت نااعسة كيف العادة راداها غير على النعاس ما باغاش نهائيا تفيق ..ما متقبلاش هاد الواقع لي رجعات عايشاه النار شاعلا فقلبها .. و اكثر حاجة ضمراتها و ضراتها هي الحمل ديالها لي ما تمش...

حلات عويناتها مع تسلل لمسامعها  صوت الآذان .. بقات كترمش بنضرات فارغة و صوت الآذان كيتردد فودنها ..
سرعتنا رجعو الدموع تجمعو فعينيها.. و نزلو تاني .. بلعات ريقها بمرارة ... و ناضت تقادات فالجلسة كانت حرفيا مضمرة و داخلا فحالة اكتئاب حاد .. الدنيا كحلة فعينيها ..

كارها كلشي حتى العربي لي كان هو عينيها كرهاتو ... و كرهات راسها حيت باقي كتفكر فيه .. كرهات راسها حيت تا فمنامها كيزورها و ما كتقدر لا تلومو لا تعاتبو علاما دار فيها على ولدها لي قت.. لو ليها فكرشها و هي باقي تما عرفاتو كاين ولا فرحات بيه ...

بدا صوت بكاها كيعلا .. كتبكي بحرقة باغا تسطا و حاسا بحالا بالعا الجمر..  كتبكي و تردد بين شفايفها عبارة وحدة : الله ياخد فيكم الحق .. الله ياخد فيكم الحق .. الله ياخد فيكم الحق ..

نهات اخر جملة بلغوات و بقات كتغوت بالجهد و تنتف فراسها و تضرب فكرشها بحال شي حمقة حرفيا .. الدعا لي دعات.. ما دعاتوش نهائيا على العربي ... ببساطة حيت ما قادراش...

ولكن كتدعي على لي شوها و كان سبابها فهاد لعذاب...

صوت غواتها الهستيري وصل لمساعم حليمة و منانة لي كانو نيت طالعين العندها ..

حليمة خبطات ف فخاضها غير خبطة و مشات كتجري تلحقة : اميمتي على بنتي ..

فتحتات الباب بالجهد و دخلات عليها كتجري عينيها طافجين و هي كتشوفها فديك الحالة شعرها كولو ناتفاه.. لحوايج من جهة صدرها كتشقهم مبردا فيهم الحر ديال النار لي شاعلا فيها ...

مشات لعندها كتجري عنقاتها و زيرااات عليها و نطقات : مغنية الرجوع الله ابنتي الرجوع الله ...

والو مغنية كانت مصمكة كانت منهااارة و كتبكي بحرقة و تغوت.. حليمة بكات الد.. م و هي معنقاها و كتشد ليها فيديها باشما تهبطش وجها ولا عنقها ..

نطقات بصوت باكي و هي كتبوس ليها على راسها بجهد باغا تحسسها انها معاها و عمر تخليها : صافي ابنتي صافي الله يرضي عليك .. ما ديريش فراسك هاد الحالة صافي .. صافي ...

حسات بيها بدات كترخا شويا بشويا و غواتها كينقص فالحدة ولكن ما سكتاتش كتبكي بحرقة و منهارة و تقلها كولو رامياه على مها فاش ترخات و فشلات :  ما درت ليه والو امي والله ما درت شي حاجة .. علاش رزاني فولدي امي علاش ...

حليمة باست ليها على راسها و تكاتها على صدرها و نطقات : الله ياخد فيه الحق الله يوزيه فلي عزيز عليه يا ربي .. كي عدب ليا بنتي و مرضها يا ربي رزيه فلي عزيز عليه و مرضو فصحتو... يا ربي ...

بقات مغنية حاطة راسها على صدر مها و كتبكي بعياء طاقتها تلاشات كثر من سيمانة ما كلات ولا تلاح فجوفها شي دغمة ... و المرض بان عليها ..

منانة كانت فالباب مراقباهم و كتبكي حتى هي .. ما قدراتش تقرب لعندهم حاسا براسها هي السبب فهادشي كامل و هادشي ممرضها فصحتها.. احساس الدنب كيقطع فيها ...

حسات بشي حد وراها تلفتات و هي تلقاه براهيم ..
هاد الأخير لي خنزر فيها و تخطاها داخل لعندهم مخليها كتبلع فلمرار لي وحل فحلقها...

#يتبعععع مع الأسف منانة غتعاني اكثر ..