معذبني غرامك ( قصة جريئة)

154

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 154

العربي تنهد و جلس حداها و نطق بهداوة : تا انا مغنية ما عزاتنيش فالمو ت دبا ..مالي حقدت عليها ..

منانة حركات راسها بلا و نطقات بصوت باكي : ماشي كيف كيف .. هي راه كنتي خالي دار بوها .. هادا انا راه كان كيحاسبني علا حاجة ما عنديش يد فيها

العربي : و السحور لي لقا ا منانة ما عندك يد فيه ..

منانة هزات كثفها بعدم اكتراث و نطقات: هاداك ماشي سحور هاداك قبول و محبة ما كانوش كيآديوه ..

العربي :  هاد الخبير د الشيبانيات ما ديريهش معايا حتى نتي غالطة .. فبن عمر لمحبة كنت كتجي بلحجوبا .. المحبة كيزرعها ربي  فقلب العبد .. و انا كنت شايف براهيم باغيك بلا هادي بلا هاديك ..

بقات منانة سااكتة و حادرا راسها و دموعها كينزلو و هو و رجع نطق: ديري عقلك ابنت با..  و ديك الهضرة د الخلع مين جبتيها ..

منانة شافت فيه  ونطقات : انا ما باغياش نرجع معاه .. غيرجع فينما وقعات شي مشكل يدفل عليا و يقطع كلامي .. 

العربي وقف و نطف لصرامة : نوجع نلقاك جمعتي حوايجك تزيدي لدار راجلك ما عندناش بنات يرجعو مطلقات.. سخونية الراس كترجع بلبرودة ..

و خرج و خلاها وراه غتاكل ريتها بلغدايد.. كتجي حتى ليه هو و تبغي تلعب دور الضحية كتقاه حاااافضخها و فااااهمها .. كيحدهم ليها ..

على برا ..

عند مغنية و حليمة .. قربات حليمة منها و نطقات بفضول: امضرا كي كيتعامل معاك العربي ..

مغنية تزنكات و حنيكانها توردو و شاف فيها و نطقات : مزيان امي ما مخصصني من والو ..

حليمة تبسمات و طبطبات ليها على ضهرها و نطقات : اوا مزيان هادشي لي بغينا ..

و سكتات شويا و رجعات نطقات : اوا و هزيتي شي فهاد المدة ولا والو ..

مغنية تنكات و حنيكاتها توردو و حركات راسها بلا : لا امي باقي ..

حليمة تبسمات : اوا ماعليش .. لي حملك المرة لولا يحملك المرة الثانية .. رخاها الله .. فوقما جا الخير ينفع..