معذبني غرامك ( قصة جريئة)

144

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 144

بقات كتبكي بحرقة .. غير كتبكي .. ما عارفاش علاياش بالضبط .. واش حيت ما راضياش على نفسها انو ما قدراتش تقاومو .. ولا معصبة منو هو و حاقدة عليه علاش يقرب منها و يمسها و يعاشرها ناسي كاع دار الشي لي دارت فيه ..

نطقت بصوت باكي مقهووور و هي باقي فحضنو : كنكرهك و ما عمرني غنسمح ليك حيت قت لتي ليا ولدي ..

العربي فلحضة كاع داك الراحة لي كان حاس بيها تبخرات من وقع كلامها عليه .. بلع ريقو و زاد زير عليها بين يديه و نطق :  ندمان امغنية ندمان .. هاداك لي ما.. ت ولدي حتى انا .. ندمت حيت مديت يدي عليك ..

مغنية هزات راسها من صدرو و شافت فيه عويناتها حمرييين بلبكا و شفيراتها الطوال مبلولين بالدموع و نطقات بعتاب: باش غنفعني الندم ديالك .. غيرجع ليا ولدي .. هاه غيرجعو ..

بلع ريقو كيناضرها بعينيه لي كان الندم واضح فيهم ما مستحملش عتابها حيت هو براسو عاقب راسو على داك الشي لي دار فيها و حاس بيلا ربي عاقبو و حرمو من بان بديك الطريقة ..خدا تنهيدة طويلة و نطق : ما غيرجعش فعلا .. ولكن غيكون واحد آخر غيعوضك ربي ...

مغنية بلعات ريقها و حنات راسها و نطقات بحرقة : شحال عندي من عام آخر فحياتي و انا كتسنا تاني نحمل ..

العربي زاد ضمها ليه كثر فاش حس بيها باغي تبعد و نطق : خليك .. خليك العودة ..

تنهدات بضيق كارها نفسها المنصاعة ليه ..حسات بيه كيغطيها .. و ما دازش بزاف تا نعسات بين يديه رغما عنها .. و حتى هوا نعس و هي بين يديه .. 

صباح جديد ..  فاقت معطلة ..  فتحات عينيها و رجعات سداتهم مرة و جوج تا وعات مزيان .. وهي تتفكر داك الشي لي وقع لبارح .. تنهدات تنهيدة طويييلة من اعماقها .. و ناضت  وقفات لقات الفوطة ديالها باقي عند رجليها .. شداتها تلوات بيها وناضت تمات غاديا للحمام ما عاجبها حال : ولد لحرام .. عند بالو سمحت ليه والله ما تكون ليه ..

سكتات شويا فاش دخلات الحمام و طلقات السقاية كتسنا الما يدفا حيت دار ليها العربي الشوفو شحاال هادي .. بقات ساهيا كتتفكر داك الشي لي وقع البارح و كيفاش كانت تحتو دايبة ..تحت رحمة رجولتو و هو كيف العادة مسيطر عليها ..

ضربات راسها على غبائها و نطقات كتلوم فراسها : حتى نتي غير جوج بوسات صافي شدك قرق فيك ..تفو ..