87

2.3K 111 5

بواسطة Swispicy

بقلم Swispicy

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 87

ضحكات بإستهزاء و رجعات ادراجها لصالون عند لعيالات مخليا وراها بنت الشرادي علين تبخ الد.. م ...

رجعات مغنية دخلات لصالون و غير ديك لكليمة لبسيطة لي قال ليها ... غيرات مودها و نشطاتها و نورات وجها ... غير كتتفكرها كتبدا تعض على شفايفها و تتبسم غير راسها و حنيكاتها كيتوردو...

ضيقات منانة فيها عينيها و نغزاتها و نطقات : تي نضتي مدعوزة... الدمعة فعينك و رجعتي عطيت طيري بالفرحةغا كضحكي و تغززي فقنانفك ... شكاين... ؟

مغنية ضحكات و حركات راسها و هي كتتنهد: ما كاين والو اصحيبتي ما كاين والو ...

منانة قرصاتها من فخضها تا قفزاتها و نطقات: تي هضري يعطك الدل ... هضرييي

مغنية بدات كتحك فالقرصة : اااي اويلي اصحبيني طلقتي فيا اسم ...

و تنهدات تنهيدة اخرى و شافت فيها و نطقات : قال ليا زوينة اصحبيتي

منانة وسعات عينيها : شكون واش خويا العربي ؟

مغنية عضات على شفايها دايبة و حركات راسها بالإجاب ... و منانة شهقااات مخرجة فيها عينيها و نطقات : ويلي واش خويا العربي قالك زوينة .. حلفي بالله

مغنية ضحكات كتحرك راسها : اقسم بالله تا قالها ..

منانة :ااااي علك العفريتاااا و انا كنقول علاش خرجات ... جي عاودي ليا كيفاش بعدا ...

مغنية قربات منها كتعاود من لي خرجات تا رجعات و قلبها علين يفرفر بالفرحة تا كتبان ليهم بنت الشرادي جات جلسات فبلاصتها انفاص معاهم كتطلع و تنزل فمغنية...

و هي منانة مسحات ليها جنب فمها و نطقات متعمدة ترفع صوتها : ويلي شكون خصر ليك العكر العفريتاااا هاااا ...

مغنية خرجات تفيها عينيها مزنكة و منانة دارت شافت فبنت الشرادي كطلع فيها و تنزل بإحتقار ترد ليها صرف مغنية...
حيت عارفة مغنية ما غتهرفش تجاوب على راسها بقليان السم ...

و داز نهار السبوع بفرحو و براهيم فرحان بولدو دار ليه سبوع اسطوري.. ما خلا التبوريضة فالساحة بحال دلماسم ما خلا حوالا مشويين للمعروضين ما خلا بساطل.. و بزاف و جايو قليل فحق ولدو ...

تسالا السبوع و اخيرا دخل لبيتو يرتاح كان عيااان بزاف .. سرح عينيه لنموسية بانت ليه جالسة عاطيا ولدها البزولة يرضع و هي نااعسة و فديك الوضعية تبسم بحب و قرب منهم جلس حداها و هي ضربها الفيقة مخلوعة : براهيم ..

ابراهيم قرب منها خطف قبلة من شفايفها و نطق : هو هادا الكبدبد ..

منانة تبسمات مزنكة و نطقات : تبورضتي ليا مع راسك ...

ابراهيم حط يدو ورا راسو متكي عليها و نطق : سبوع العزري هادا ...

و قرب منها و نطق : لي طلبتيها جاتك امنانة ااامري ..

منانة ضحكااات : جيب ليا طيليفون جديد بحال دجهان .. و زيد شري ليا الذهب ...

ابراهيم خطف قبلة اخرى من شفايفها وًنطق: جاااتك ابنت بن عيسى جاااتك ...

بقاو كيضحكو و هي تفشش عليه و تشرط و هو شاد ليها الخاطر...

✨

خليو تعليق على كل فقرة عجباتكم .. و خليو نجمة ⭐️ على اي بارت قريتوه