معذبني غرامك ( قصة جريئة)

108

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                 Part : 108

هبطات حليمة و لي فراسها فراسها .. حالفة بنتها ما تبقا مرا للعربي : والله يا ولد لخميميس بنتي لا بقات ليك مرا ..

دخلات لصالون لقات الحاجة جالسة تماك و التسابيح فيديها .. غير شافها و هي تلويه فيدها و باستو و نطقات : حليمة ..

حليمة قرابات لعندها و جلسات حداها : الحاجة .. واقيلا جيت فشي ما هواش..

الحاجة : لا لا كنت غي كنستغفر شويا ... كي بقات  مغنية شويا ..

حليمة تنهدات بحزن و نطقات : و كي غتكون الحاجة .. راها سادا عليها فالبيت مخيطة الليل مع النهار و غير كتبكي.. كنعيا نواسيها و نحاول نهضر معاها ما كتكلمني ما ماكتجاوبني ..مين كنقجر عليها كاع كتقول ليا خرجي خيليني بوحدي ..

الحاجة : لا جينا لصراحة احليمة من حقها .. نتي فين عمر جلستي معاها و حطيتي راسك على راسها من ديما و نتي مبعداها عليك .. طبيعي ما تجاوبكش..

حليمة بقات ساكتة و كتفكر فهاد الهضرة و فعلا جاتها عندها الصح من واحد الناحية : و انا الحاجة غير كنت كنخاف عليها ..  ياك التقاف ما فكيتو ليها تا بقا لعرسها شهر ..غير من خوفي الحاجة .. هي يتيمة و كلشي كان طامع فيها ...

الحاجة طبطبات على كثف حليمة و نطقات : وماعليش دابا لبكا ورا لميت خصارة نتي غير من خوفك عليها .. ولكن دابا خليها براحتها خليها تبكي تا تشبع تحزن حتى تشبع... عيجي وقت توقف على رجليها و مريضنا ما عندو باس ..

حليمة حركات راسها بالإجاب و شافت فالحاجة و نطقات : غندفع ليها تطلق من داك ولد لح.. رام..

الحاجة وسعات فيها عينيها : استغفر الله اش كتقولي .. واش بعقلك احليمة .. غي جي و طلق .. و ترضاي بنتك ترجع ليك مطلقة من بعد هاد لفضيحة ..

حليمة نطقات بحزم : نرضاها الحاجة و مرحبا بيها .. كيف كانت معززة مكرمة انا خديمتكم و هي بنتي تعيش معايا ..

الحاجة : حليمة اش وصلنا لهاد الهضرة .. عيب عليك والله تا عيب عليك ..

حليمة : حاشا الحاجة واش قاصدا بيها شي حاجة .. خيركم سابق و انا بنت هاد الدار ..  ولكن ما نستحملش نشوفها مضلومة الحاجة منستحملش.. نهار لول عطيتها ليه على وجه باه .. و على وجه براهيم حيت كلامو ما كنطيحوش.. كنت عارفاه عمرو بغاها ..كانت كتجي تشوفي و الضيم باين فعينيها ..

الحاجة تنهدات و نطقات : و خلي يجي براهيم هو لي غيعرف اش يدير ... و هي بعدا باغا الطلاق ..

حليمة حركات راسها بالأجاب و نطقات : قلت ليها نطلقك منو قالت ليا ديري لي يخرجك

الحاجة : اوا هااا .. هي ما قالت لا يه لا لا احليمة .. ما تزربيش لا تكون الزغبية ما باغاش..

حليمة : و لا رجعات ليه من بعد هاد القت. لة لي عطاها غي خاصها شي عقل...

داز الوقت و الليل ضلام ..

✨

تفااااعلو الفنات ديالي 🩷✨🔥