معذبني غرامك ( قصة جريئة)

136

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 136

تنهدات مغنية كتمسح دموعها و ناضت و هي هازا محمد بين يديها حدرات راسها و تمات داخلا حتى هي لداخل حتى وقفها ابراهيم بكلامو : مغنية.. دخلي محمد لحاجة و جي عندي باغي نهضر معاك ...

مغنية شافت فيه و حركات راسها بواخا و نطقات :  واخا اعزيزي ...

و داك الشي لي كان دخلات محمد حطاتو عند الحاجة .. و خرجات و مع كل خطوة كتخطيها.. دقات قلبها كيزيدو يتسارعو.. اشنو غيقول ليها ابراهيم بالضبط .. و علاياش ناوي ...هادو اسئلة تبادره فدهنها ديك الساعة ...

كيانها رتاجف و هي كتقرب منو .. و حنحنات باش ينتابه لوجودها ..

هو لي يدورو دار شاف فيها بانت ليه خدودها حمرييين  .. عرفها متوترة و هو يبتاسم  محاول يخفف عليها و نطق : مغنية .. قربي ..

زادت قربات عندو كتبلع فريقها و نطقات بصوت رقيق : هاني..

حن حن هو و حك بسبابتو بين حجبانو و نطق : عارف هادشي لي كتعيشي قاصح عليك .. عارف تعذبتي ..  و تيقي بيا .. انا اي قرار خديتيه غتلقايني فجنبك .. ولكن بغيتك تاخدي وقتك و تفكري مزيان قبلما تاخدي شي قرار ..

سكت شويا و رجع مكمل كلامو : فكري فذاك الراجل واش باغيا ترجعي معاه .. و ديري بين عينيك انو شاريك .. و باغيك و داير كلشي باش ترجعي ليك .. انا عارف من الصغر و نتي باغياه يقدر هو ما كانش باغيك فاش يالله تزوجتو ولكن دابا .. هو اكثر واحد باغيك فهاد الدنيا .. كثر حتى من حليمة ..

بالعات مغنية ريقها و هزات فيه راسها و نطقات بصوت ضعيف خجول يكاد ان يتحول للهمس : ولكن هو آذاني ..

ابراهيم حرك راسو بتفهم و نطق مجوبها : فعلا ما نكروش انو ضرك بزاف .. ولكن منكروش تاني انو ندم .. كون ما ندمش ما غيتسناكش ربع شهور و هو كل مرة كيجي و يجب الصواب و يبغي يردك .. تا من الصاير ياك ما حبسوش عليك ..  شوفي فكري مزيان .. داك ولد الناس انا نضمنو ليك غتعيشي معاه لي بقا ليك فعمرك مزيانة .. راجل و قاطعها فالدوار كامل .. شحال من مرا كيتطايف فالدوار على ودك لا سمع عليك شي كلمة خايبة .. 

بقات مغنية ساااكتة ما قالت حتى كلمة .. و هو كمل : غنعطيك 3 يام .. فكري على خاطرك .. لا غترجعي معاه بالخاطر علميني باش يجي تفاهمو على الشروط .. ما كنتيش باغا غنهز يدي و غنخليك منك ليه و غلب فيهم هو هاداك .. ولكن ديري فبالك مك حليمة عمر فتبدل.. ولا كانت مزيراك فاش كنتي عزبة .. فدابت الدار ما غتبقايش تعتبيها و نتي مطلقة ..  المهم دابا نخليك .. فكري مزيان .. و ديري لما مين يدوز ا مغنية ..