كانو التحضيرات لهاد الشهر المبارك على قدم و ساق فالدوار كولو .. بدلو الزرابي لجماع و تعاونو سيقوه و عطروه بريحة العد و مسك .. و طلقو فالبوق الإبتهالات الرمضانية ..
و ريحت الشباكية و لعسل كيتقطر كانت خارجة من كوزينة مغنية .. كانت كتستف شباكيتها فالسطل حيت تجمعو فداك القايد قادوها و جابت حقها .. و السفوف قاداتو غير راسها ..
كانت لالة و مولاتي هزات دارها و نفضاتها و خملات الركاني صح ما يتمكن.. تا من العود د العربي .. خرجو ليها و دخلات هي نكسات عليه و بدلات ليه النجارة بيديها ...
طاحت مهدودة بتمارة ديال بصح .. جا من الجامع لقاها حطات غير لبن عيسى ياكل و هي مشات تنعس ..
جلس هو و باه كيتعشاو و تجمعو على واحد البراد ديال آتاي و طبيسيل د السفوف " سلو " كيدوقو منو ..
بن عيسى : تبارك الله علا لعيالات اولدي و خلاص .. مغنية مرة كوطة تبارك لله .. مرا د الزمان .. شو السفوف كي داير بالبنة دوق دوق..
العربي حرك راسو بالإجاب و نطق : غدا السعودية و شي دول آخرين صايمين حنى قالو تا لبعد غدا ..
بن عيسى : ها حنى معاهم اولدي ... الوزارة عندنا ما كتغلطش ديما كتجيبها صحيحة.. و ما بقاتش اوليدي فشي يصون مع شي راه مذكورة فالقرآن " فمن شهد منكم الشهر فليصمه " ...
العربي : اوا الله يجعلنا من صيامو و قيامو ابا ..و تا نت لا تزير عليك الحال ما تصومش لا حرج عليك ..
بن عيسى ضحك و نطق : و مالي شارف.. باقي ندك و ندردك و نصوم هاد العام و العام الجاي ..
العربي تبسم : الله يطول فعمرك ابا و يخليك لينا بركة...
دازت ديك الليلة و جا نهار جديد .. و بالضبط بقا نهار على رمضان .. و كيف معروف فالليلة درمضان كيبداو التراويح...
بن عيسى و لبس احسن ما عندو فالجلالب.. و دور الروزة من فوق راسو كي العادة ..و تعطر .. و خرج من دارو قاصد الجامع يصلي التراويح مع الجماعة ...
و العربي كذلك جا غير دوش و بدل عليه و حتى هو تبع باه .. مخليين مغنية كتوجد لعشا ...
و كيف كل رمضان .. و مع اول صلاة تراويح كاع لي كيكون قاطع الصلاة كيجيه الحنين فرمضان و كيرجع الله و يتوب واخا غير هاد الشهر الا دعاوي لبلا اكيد لي ما كيتوبوش ..
كان الجامع عاامر لدرجة شي صلا غير برا الجامع ... فجو روحاني.. فأجواء رمضانية 100% ..
سالات الصلاة.. و ناض العربي و براهيم خرجو مرافيقين راجعين لدار على رجليهم منها مسرحينها وسط الدوار ..
و ما عدهم غاديين كيدويو و هوما كيلاحضو انو المجمع لي دازو من حداه كيسمعو التوشويش المناعتا واقعا بيناتهم و عليهم هوما بالضبط .. و غير كيشوفوهم كيسكتو..
العربي ضرو راسو شاف فإبراهيم و نطق : مال هادو لي دزنا من عندها كيبدا كيتغامز..
وقفو على مجمع آخر ... و هاد المرة وقفو على المجمع لي جامع فينما كان شي مبلي شي دعاوي لبلا شي سوابق .. غير شافو العربي و ابراهيم بداي كيتغامزو و يضحكو بالجهد و نطق واحد فيهم : و بياسة هي عندك اخاي العربي .. ما عندهاش شي ختها ..
العربي خنزر فيه و مشا قصدو نيشان شنق عليه زدحو مع الحيط بالجهد تا الراس ديالو تضرب مع الحيط و نطق : عاود ش gـلتي ..
نطق لاخر كيحاول يتفك:و طلق العربي لا نصدق غا خاسر معاك و لعواشر هادو ..
العربي رجع زدحو مع الحيط و نطق مزير على فكو : لا غتعاود ش gـلتي ..
نطق واحد آخر و هو جاب تيليفونو باغي يوريهم: و طلق العربي من السيد ما دار والو .. راه مرت لي طالعا فالطوندونس رقص شعبي ساخن.. كتحرك الطرف ..
و هز الطيليفون فوجه العربي و براهيم كيريهم الفيديو لي كان ضارب شي مليون د ولا كثر د المشاهدة .... فيديو hd لمغنية و منانة و هوما محزمين و كيشطحو فالوسط بحال شي شيخات نيشان...
العربي من هول الصدمة بقا مصمررر فبلاصتو و هو كيشوف فداك الشي قدام عينيه ... ما متيقش.. و ابراهيم كثر منو .. حاسيين بالأرض دارت بيهم ...
✨
حد هنا الفتيات.. شي تفاعل زوين بحالكم لي كيقراو و يهربو رأيكم مهم بزااف .. و كيزيد يحفزني معطي اكثر 🩷 ما تبخلوش عليا عافاكم .. و اكيد اي بارت فريتوه خليو ڤوط .. و نتلاقاو غدا انشاء الله لا كان شي تفاعل زوين .. الفقصة شخضات ديال بصح و الأحداث لي جايين صعاب بزاف 💔🥺
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
