صراخو العالي و المفزع.. كان كفيل يوصل لكاع الديور لي قرابين لدار بن عيسى .. من صوت صراخو عرفو شي حاجة واقعا .. اصلا ديك لوقيتا النص كان فايق حيت ما دازش بزاف على الفجر ..
تجمعو قدام لباب د الدار كيدقو و يناديو بإسم العربي و بن عيسى ولكن والو لا من مجيب كيسمعو غير الإنهيار و الصراخ العربي لي كان هستيري ...
هو لي ما كانش ابدا سامعهم هو لي دخل فحالة هستيرية .. مخليهم يفرعو عليه الباب و يدخلو كيتجاراو.. و كلهم شهقو فاش قربو منو و شافو حالتو و عرفو انو بن عيسى مات ..
تنشر لخبار بحال النار فالهشيم.. و خرجو الدراري الصغار كلهم كيتجراو وسط الدوار و كيرددو عبارة " بن عيسى الخماس مات .. بن عيسى الخماس مات "
تطلق القرآن فالأبواق د الجامع شي لي خلا الدوار كولو يعرف انو شي حد ما.. ت فالدوار .. كان نهار جوه مغيم و سماه رمادية .. و الريح كانت غريبة و مجهد...
فدار بن عيسى.. دخل لفقيه ديال الجامع و المساعد ديالو و هوما هازين لكفن بين يديهم.. والمهحمل حتى هو و مدخلينو معاهم ..
وصل لفقيه كيلقا الرجال كلهم كيبكيو.. ما فهمش علاش حيت المو.. ت رجعات كتجيه حاجة عادية و كلما ديها .. تا دخل لبيت و هو يشوف المنضر لي بكا الرجال .. كان العربي باقي معنق الجثة دباه و كيبكي بحال شي دري صغير و ما مخليهمش يقربو منو او يحاديوه ولا ياخدو بن عيسى من بين يديه يقادون باش يجي لفقيه ..
تنهد بأسى و الحزن بان من عينيه .. و قرب منو و بدا كيطبطب ليه على ضهرو و نطق برزانة و حكمة : العربي .. نوض نعل الشيطان ..نوض و عض فالصبر كلنا ليها .. نوض اولدي ...
حرك العربي راسو بلا و نطق بحرقة : كان مزيان .. ما كانت فيه حتى حاجة ..
لفقيه شد بيه فكتفو و نطق : المو.. ت ما كتعرف لا صحيح لا مريض .. لا كبير لا صغير لي وفا أجله يمشي عند لي خلقو.. نوض اولدي خلينا نغسلوه و نديو نستروه فالقبر ديالو .. نوض ..
كلام لفقيه ما كانش ساهل عليه بالخصوص فاش سمع كلمة نفنوه.. بعد من على باه بزز و باس ليه على راسو و مطول فديك البوسة مغمض عينيه بحرقة .. و لفقيه شاد ليه فكثافو كيبعدو عليه ...
خرجو من البيت مخليهم يواطيو بن عيسى على الناموسية.. و تكلفو الرجال كيوجدو المراسم التغسيل..
فدار القايد ..
كانت جالسة الحاجة و حليمة فالصالون .. تا كدخل عليهم وحدة من المساعدات وجها صفررر لونها مخطوووف : الحاجة الحاجة ..
الحاجة كانت جالسة وقفات من قوة الخلعة : مالك اش كاين ..
المساعدة بلعات ريقها و دموع فعينيها و نطقات : اسي بن عيسى مات ..
الحاجة خرجات فيها عينيها و شهقات بالجهد و نطقات : الله أكبر .. انا الله و انا إليه راجعون..
الحاجة :اميمتي لحبيبة و مين طاح علينا هاد القادار .. الله يرحمو ..
حليمة بلعات ريقها و بقات غير مصدومة و سااكتة .. و على صدمتهم دخلات عليهم منانة لي كانو عينيها حمرين و منفووووووخين بلبكا من داك الشي لي وقع آخر مرة .. شافت فيهم بإستغراب حيت كانو كلهم كيشوفو فيها بنفس النضرة ..
قربات منها الحاجة و جراتها من يدها بلطف و نطقات برزانة : بنتي .. عضي فالصبر. ... المومن موصاب.. و هادشي لي غادي نقولك دابا صعيب بزااف ..
منانة بغات ريقها و الركابي خواو ليها .. شافت في الحاجة و نطقات بصوت شبه هامس و نطقات : با وقعات ليه شي حاجة ؟
الحاجة تنهدات و حركات راسها بالإجاب و نطقات : البركة فراسك ابنتي .. عطاكم عمرو.. باك ما ..ت
منانة خرجات فيها عينيها على قدهم و ضربات ففخاضها و نطقات : باااا ماااات .. !!!
الحاجة حركات راسها مرة اخرى و عينيها عمرو بالدموع و نطقات : عليك بالصبر ابنتي كلنا ليها ..
#يتبعععع .. كنصحح و ما قادراش نحبس من لبكا .. كنعاود ليكم على احداث مقتبسة من واقعة حقيقية 💔✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
