معذبني غرامك ( قصة جريئة)

98

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 98

قاطع كلامها زام صوتها باصريفيقة قاااصحة تا جات طايحا فالأرض .. و حسات بحاجة سخووونة هابطا ليها مع نيفها .. عرفاتو الد..م هاداك ...

شداتها الدوخة حرفيا حسات براسها تخلخل من بلاصتو بحر الضربة و ودنيها رجعو كيصفرو ... يالله اتهز فيه راسها ...
وفراسها 100 سؤال .. حتى متس بشعرها غيتقلع من جدورو بسباب الجرة لي جرها حتى غوتات على حر فيها من جهد..

ما عرفا راسها باش تبلات .. كتسمع غير لأنفاسو الهاجية كي التور .. علين ينفت النار بقوة لغدايد ... رجع عطاها تصرفيقة بضهر يدو حررر من ليسبقاتها تا صافي بدات تشوف منو جوج .. وزادها التالتة و الرابعة و الخامسة ما عقلاتش شحال تا صافي قربات تغيب و هو غير كيضرب ما قالهاش تا علاش..

شافت فيه كتبلع فريقها و البكية خانقاها و نطقات بصوت ضعيف : اش درت ليك ..

العربي فاش سمع صوتها زاد تشربن كثر .. و زادها تصرفيقة اخرى حتى فلتات من يدو و جات طايحة فالأرض و حالتها حالة و نطق و الصعر قايسو: اش درتي .. لا ما درتي والو .. غير مشيتي درتي ليا الشووهة فالدوار تا بقا لي يسوا و لي ما يسواش يتغامز عليها ..

مغنية شافت فين كتبكي بحرقة..ناطقة بضعف: والله ما درت العربي شي حاجة.. كنحلف ليك غير ضلموني ..

العربي زاد قرب عندها لوا يدو على شعرها تا غوتات و نطق مشربن : كذبو عليك ابنت الجنانات هاه كدبو عليك .. ماشي نتي لي فداك الفيديو مطعرجا كي الشيخات دلماسم و محزما كتلوزي هاه ...

مغنية ما قدراتش تستوعب اش كان كيقول .. من قوة التصرفيق لي عطاها .. حركات راسها بلا و نطقات ناكرا: ماشي... انا ... غير كذوب...

العربي كان ربي لي عالم بيه بدات كتبان ليه غير يصفيها ليها و يغسل عارو .. نزل هزها من شعرها حاط عينو فعينها و شرارة الغضب كتطاير منهم و نطق مزيير على فكو : انا العربي نلقا مجمع د لحتارف كيتفرجو ليا فمرتي ليوتيب و هي كتلوز هاه ...

مغنية حركات راسها بلا متأكدة انو غالط : والله العربي ما درت شي حاجة تيق بيا...

العربي ما حد كتنكر و هو شايفها بعينيه ..و الغضب كيزيد يتملكو و يسيطر عليه ... غوت ليها فوجها و عطاها تصرفيقة اخرى تا جات طايحة فالأرض وجها مضمغ و ناض بدا كيركل فيها صافي حرفيا غااب على الوعي ... كانت كاتبات ليه غير يقت..لها ...

على برا كان يالله بن عيسى جاي مع ابراهيم .. و كيويل مسكين ما عرف هادشي مين طاح عليهم ..غير قربو لدار بداو كيسمعو غواتها..

بن عيسى ركابيه فشلو شد فإبراهيم و نطق : جري اولدي عتق الكا.. فر بالله غيقتـ ل البنت عتق اولدي عتق ...

و ديك الشي لي كان مشا براهيم كيجري لقا لباب مفتوح بالفثنة و الأعصاب نسا لعربي ما سدو .. و من زهرها..

دخل ابراهيم تابع المصدر ديال الصوت .. غير وصل لبيت و هو يخرح عينيه فالمنضر مشا كيجري كتف العربي كي دار ليه قبيلا .. مبعدوو عليها : واش تسطيتي اصاحبي .. غتق.. تلهااا .. مريض ولا مالك ..

العربي كتمنتر منو بجنون عاميه الغضب : طلق ابراهيم طلق .. طلق خلينا نغسل علري طلق .. خلينا تق.. تلها..

ابراهيم جرو مخرجو : زيد اش كتقول اصاحبي نعل الشيطان زيد ...

خرجو برا البيت و هو كيغوت و يتسرفع فالسما ... و هي خلاوها مرمية لداخل كتنين من الألم حاطا يديها جهة كرشها من لتحت و كتتلوا فالأرض من لحريق .. حاسا بحالا شي موس ماضي نازل منها من لتحت.. لدرجة بدات كتعرق...

نزلات عنيها لبيجامة لي كانت لابسا لقتها من لتحت كلها د.. م ... حطات يدها كترجف تتأكد هاداك واش د.. م فعلا ولا غير بدات كتهلوس من فرط العن..ف لي تعرضات ليه ...

وقفات على رجليها بزز و مع وقفات حسات بشي حاجة مجهدة كتنزل منها و معاها بداو كيبانو ليها جوج جوج من الحاجة ...

تحاملات على نفسها و بزز وصلات عند الباب باقي كتسمع صوت العربي و هو معربط.. و بن عيسى و ابراهيم كيخدنو فيه

بلعات ريقها متكيا على الخيط و الد.. م دايز منها و يديها بجوج ملطخين بيه و نطقات بنبرة صوت ضعيفة بالكاد وصلات المساعهم: العربي ..انمو .ت ..

دار العربي هو الأول لمصدر واحد الصوت و هو يشوفها فديك الحالة كيشوف صنع يدو .. تا كتبان ليه نهارت كليا و طاحت فالأرض مغمى عليها ...

✨

#تذكير : خليو تعليق على اي فقرة عجباتكم بغيت نعرف رأيكم فأي حاجة .. و اكيد "ڤوط" باش القصة تطلع انتي اكثر ..