معذبني غرامك ( قصة جريئة)

25

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 25

دار القايد ...

عند مغنية .. كانت جالسة هي و منانة فبيتها .. دايرا ماسك ليديها و رجليها و حتى وجها .. و دايرا لخيار فوق عينيها ... و منانة جالسة حداها شادا تاني سلة صغيورة عااامرة بلعنب كتاكل فيها و مرة مرة ترمي لمغنية حبة ف فمها حيت يديها و حتى رجليها ملويين بسولوفان على حساب الماسك..

منانة كدوي و فمها عااامر : شوفي اصحيبتي .. لقيت ليك ماسك آخر انا كمونديتو يوصل لينا مع تبريمة العروس .. يمشي يجيبهم بينا ابراهيم من لابوسط لي فالفيلاج..

مغنية حركات راسها بالإجاب و نطقات ديك " مممم" حيت ما خاصش تتحرك على دويت لماسك دوجها ..

كانت دايرا كثر من جهدها باش تكون فأبهى خللها .. هي من ديما مولات النقا و التاريل و من ديما ريحت النقا كتعطعط منها و ريحتها ديما غير ريحة الورد و المسك الفاتر... ولكن دابا مع قرب عرسها ضاعفااات مجهودها كثر وكثر و لي شافتو ينفعها و يزيد يلمعها كتاخدو و طليه لوجها و يديها و رجليها وصحتها كاملة .. ما خلات ما خدات ..ها التبريمات .. ليكام ديال تفتيح المناطق الداكنة.. دارت كاع ذاك الشي لي كديرو اي عروسة ..

تنهدات ودارت اشارة لمغنية بيديها باش تشوف لكرونو شحال وصل باش تحيد الماسك ..
مغنية فهماتها و شافت فساعتها و نطقات : يا ختي التسلييييم .. جبتيها لاسقة نوضو غسليهم .. و ديال رجليك غير خليهم ..

وداك الشي لي كان ..دخلات الحمام دبيت منانة غسلات وجها .. و خرجات كتمسح فيه بالفوطة و مضيفة عينيها فمنانة : ا ديك هاه .. هاد الشهر لخر خيابو فيك الطبايع .. وليتي عاطياها غي لصريط و لمريط.. اشوري راك غتحصلي بحالي ..

منانة هزات فيها راسها و هي تعض على شفايفها بحركة منحرفة و نطقات كطلع فيها و تهبط ناسيا كاع اش قالت ليها : اححح على دبدووبتي.. ختي الله يعطيني بياضك .. كتشعليييي يا ختااي .. العربي محروق بالشمس جاب ليه ربي لحمة بلقة فين يشد .. غياكلك يا مك غياكلك..

مغنية زمان شفايفها كضحك و التزنيكة طلعات ليها على وجها كولو حشمااانة واخا غا بينها و بين نفسها كتفكر انو غتعرا قدامو و يقيسها و يقرب منها كتغرررق بالحشمة..

منانة : شوفلك شوووفلك ... حشمات يا ختااي .. اي انا لي خويا لي مزوج و داي الزين ..

مغنية عضات على شفايفها و خدات نفس عميييق و نطقات : ياك بعدااا .. الوووستي..

منانة ضحكااات على ديك لوستي و شطحاتها ف فخضها : لوووستة سوووسة يا ختي ..اجي بيضتي ليا السلطان ولا مخلياه كحل بالميديتي..

مغنية طرطقات بالضحك : يا ختي ما خليت تا وصفة ما درتهاش.. ها كينطة و زيت الورد .. ها كينطة و زيت جونسون ها لبومادة الصفرة ها لبيكاربونات و زيت الورد .. ها كوماج القهوة و الزيت .. ها مسك الطهارة.. ما خليت ما درت ليه ..

منانة : و عطاوك شي نتيجة ..

مغنية حركات راسها و مدات يديها لسليلة تاخد شويا دلعنب لقاتها خوات : عطاااو عطاااو ..ففف يا لطيف كملتي داك الشي كامل .. الليلة تخ.. راي لعزيزي فالكار ..

منانة حطات ليها يديها فوجها : خمسة و خميس لعمى يا ختي .. شافني ربي بملوكو مشفتيني بحنوكك.. راه ما لخاطريش.. حاسا براسي ماشي تا لهيه ..

مغنية ضيقات فيها عينيها : ياكما تكوني هزيتي الزغبية..

منانة هزات كثفها : و بحال والو .. راني ما كندير لا فانيد لا حساب .. اصلا براهيم قال ليا باغي لولاد .. راه قلت ليه يجيب ليا طيسط نشوف ...

مغنية تبسمات: يا حليلي اتعمري دار بجاغط اصحيبتي..

منانة حركات راسها بحماس : اااي يا ربي لا كنت حاملة يكون ولد ..

مغنية هزات فيها حاجبها : و مال البنت تسعاك ..

منانة :يا ودي لا .. راه براهيم قال ليا باغي ولد ..

مغنية حركات راسها : اااه اوا يلا كان هاكداك من حقو ..

#يتبعععع ...🔥🔥🔥🤤