86

952 60 5

بواسطة Shewolfwijouimy

بقلم Shewolfwijouimy

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 86

زاد فلبكا فاش حسات بيدو الضخمة كطبطب ليها على ضهرها و زادت قربات منو كثر حاطا يديها على صدرو محتاجاه غير يعنقها غير يحسسها ولو مرة وحدة انها مهمة بالنسبة ليه ...

هو شاف مع جنابو ما بان ليه حد .. بان ليه غير واحد البيت دفعها ليه دخل هو وياها جلسها فوق السداري و جبد من جيبو كلينيكس مدو ليها و نطق : شدي مسحي دموك باراك...

مغنية هزات فيه عويناتها لماسكارا ساحت ليها و نطقات بضعف : ما قادراش نحبس..

العربي بلع ريقو ما عارف ما يدير حرفيا حاير : شدي مسحي زواق عينيك هبط...

مغنية تنهدات و حنات راسها مكملا بكاها تا الميكاب ديالها ما همهاش فهاد اللحضة ..
العربي جلس حداها جامع يديه عند ركابيه بطريقة رجولية و نطق بخشونة : دابا مالك علاش لبكا ...

مغنية بحالا كانت طالبا عليها كانت بأمس حاجة لي يسولها هاد السؤال .. زادت فلبكا كثر و نطقات : رجعوني عاقرة وسط الدوار كلشي كلشي كيحمد ربي حيت ما داونيش لولادهم حيت قالك عاقرة...

العربي بقا ساكت ما علقش على كلامها حدو عنقها بكنب جرها لعندو كطبطب عليها : صافي سكتي من لبكا ...

مغنية زادت تشبتات فيه حاسا فحضنو بواحد الدفئ و واحد الأمام عمرها حسات بيه .. نسات الدنيا و ما يجي منها فهاد اللحضة نسات حتى فين هي ..

و هو ما بعد عليها تا حس بيها تهدنات و حبسات من لبكا ... رجع مد ليها كلينيكس تاني و نطق : مسحي وجهك من داك لعجب ..

قبطات من عندو كلينيكس و بدات كتمسح فعينيها كانت غير السكارا لي هبطات ليها شويا ... شافت فيه كترمش بعويناتها كيفثنو و نطقات : واش باقي ...؟

العربي سهى فيهم مأخود بعينيها و داك اللون العسلي ديالهم و نطق بخشونة : زوينة ..

كلمة ختارقات مسامعها بحال شي نغمة زوينة بديك الخشونة الرجولية لي مغلفة صوتو... خلاتها توسع فيه عينيها و نطقات ديك " هاا "

هو بلع ريقو فاش حس على راسو و نطق : يالله دخلي عند لعيالات رجلك ما تعتبش لباب

خرج من بعدما رما ليها هاد الهضرة مخليها باقا تحت تأثير ديك الكلمة و قلبها كيزدح بالجهد بين ضلوعها ناسيا الدنيا و ما يجي من وراها ...

لدرجة خرجات من تما تابعاه بلاما تحس تا كتوقف فاش تصطحات فشي حد : اااي سمحي ليا... سم..

سكتات هازا حاجبها فاش شافت هاديك لي قدامها و هي نطاقات : واش عمية ما كتشوفيش قدامك هاه ...

مغنية تبسمات بخبث و نطقات : حسناء الكارمة هادي نتي ... سمحي ليا خرجت كي شتي تابعا راجلي حبيبي ...

حسناء طلعاتها و نزلاتها بستحقار و نطقات : عمرو يتبعك غتبقاي كي الكـ.. لبة تابعاه..

مغنية ضحكاااات راااشقة ليها نطقات : ضحكتيني يعطيك لخير .. لقيتيني تابعاه غانمسح ليه لعكر من شفايفو لسقتو فيه ...اوا نخليك دوزي بخير احسناء البايرة...

✨

خليو تعليق على كل فقرة عجباتكم .. و خليو نجمة ⭐️ على اي بارت قريتوه