معذبني غرامك ( قصة جريئة)

56

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 56

دخلو لكيطون لي موالفين كياكلو عندو .. و جلسو العربي شير غا بيدو لداك مول الشواية و هو يعرفو اش باغي ...

من قوة ما سنين و هوا كياكل هو و باه غير عندهم ..
بن عيسى شاف فالعربي و نطق : و فكرني اوليدي نديو تا لمرتك معانا شويا د الكفتة ..

العربي حرك راسو بواخا : واخا ابا ..

بقاو كيتسناو تا جابو ليهم داك الشي لي طلبو ... طبسيل كبير د الكفتة.. و الخبز و براد دآتاي باش يدوزو ...

العربي غا تحطات الكفتة قسم لخبز لباه سبقو.. و قسم لراسو... و دردر عليها الكامون و طاح على داك السبسيل.. الماكلة عندو من الأولويات فالحياة..

عند مغنية ..

فاقت معطلا تا لشي لعشرة نعسات تا فاقت على خاطرها ..ناضت دوزات يديها فالدار باقي نقية غير جففات و رشات شويا د سانيكروا.. و وجدات لراسها ما تاكل .. و مشات لقدام التلقازة كتقلب فالقنوات تا لقات القنوات ديال لغنا و الشطيح.. و هي ترصي فيهم ...

بقات كتاكل و جاريا معاهم تا سالات و ناضت تاني للكوزينة حسات بالملل ديال بصح تيليفونها كولو فلاتو ...

تنهدات تا من الكوزينة لي تشغل فيها وقتها .. باقي ليها كلشي من العرس غير تجبد و تسخن..

خرجات للبورنية كتدور فيها .. بان ليها العود د العربي مخرج راسو ما الشرجم لي داير ليه العربي فالبيت ديالو .. تبسمات مقربا منو و نطقات : كي العود كي مولاه تبارك الله ...

و عضات شفايفها كتتفكر العربي و كتتفكر شي لقطات دازو بيناتهم فالفراش و كملات : يجوجكم فوحل...

قهقهات بأنوووثة و رقة حنيكاتها موردين و قربات منو كثر باغا تحط عليه يديها .. و هو يتمنتر منها و حنحن بالجهد ما باغيهاش تقيسو ..

جمعات يديها و بعدات منو قاطبا حجبانها و نطقات : و فزعي و خضر كي مولاك الطيف ...

و بعدات كثر راجعا ادراجها كتدور على النباثات لي زارع بن عيسى ..كانو منورين و مخضرين بقوة من مهلي فيهم... بقات كدور تماك و تستكشف تا عيات .. و رجعات تاني دخلات دارت لراسها ما تاكل ..

و مشات دخلات لبيتها كلات تماك .. القنطة و الملل لي حسات بيهم هاد النهار عمر حسات بيهم فحياتها ..

علا برا ..وقفات البيكوب د العربي قدام الباب .. نزل هو لول .. فتح الباب د الدار لباه يدخل .. معاونو حيت عيا مع الشمس د السوق : قلت ليك ابا غي بقا مراتاح فكيطون اش خرجك فالشمس..

بن عيسى ضحك بعياء و نطق : خليني اولدي ما بقا ليا قدما فات فهاد الدنيا خليني نعيشها براحتي ..

العربي تنهد و دخلو لبيت لداخل .. جلسو و جاب ليه كويس د الما يشرب .. و خلاه يرتاح و تم خارج يدخل التقدية ..

لداخل .. كانت عينها بدات تديها .. تا كتسمع الحس فالدار .. شافت فالساعة كانت الربعة د لعشية عرفاتهم ايكونو رجعو ..

دارت زيفها فوق راسها و خرجات .. بان ليها داخل هاز جوج صيكان د التقدية كباااار و تقااال فيديه ... مزنك بالصهد و الشمس و كولو عرقان .. تبسمات فوجهو و نطقات برقة . العربي على سلامتكم ..

العربي داز من حداها داخل للكوزينة و نطق : الله يسلمك ...

مغنية تبعاتو : فينو عمي بن عيسى ..

العربي دار تاني من قدامها يخرج يجيب لي باقي : راه فالبيت كيرتاح ..

مغنية حركات راسها بآه و عينها على التقدية ...

#يتبعععع ...