معذبني غرامك ( قصة جريئة)

55

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 45

لعيالات لي حضرو لصبوحي .. داو ما يعاودو فالدوار .. و لي ما حضراتش وصلها لخبار تا لعندها و تا حقها من لحلاوة د الصبوحي وصلاها ..

لخبار داعت فالدوار بحال النار فالنوادر... و حليمة نفخات صدرها متعنيا بتربية يديها ..

فدار بن عيسى .. كانت مغنية و منانة مجمعين فبيتها كتعاود ليها على ليتها و التفاصيل لي وقعو فيها : عرفتي تقصحت بزاف ...

منانة : واايلي .. انا كاعما تقصحت بحال هاكدا .. ابراهيم كان حنين ..

مغنية زمان شفايفها و تنهدات و نطقات : انا بقوة الخلعة ما عرفتو حنين ما عرفتو لا ...

منانة طبطبات عليها و نطقات : هاديك غي الخلعة لي ركبات فيك مك اصاحبتي .. قلنا ليك ترخاي نتي كترعدي طبيعي تحسي بهاد لحريق .. انا جبت ليك معايا بيطادين... غتبداي ديريه لقاعك واحد ليومين ولا و غيدوزك الحال ..

مغنية حركات راسها و نطقات : صافي خليه ليا انا كاعما تفكرتو... اجي اتبقاي معايا شي يامات...

منانة حركات راسها بالإجاب : اااايه غنبقا الالة تا نحزموك و داك الساع نرجع .. عزيزك بزز طلقني..

مغنية : اوا مزيان بعدا غير هاد اليومين تونسيني.. عرفتي شنو فيا الموووو.. ت د الجوع نوضي جيبي ليا شي حاجة ناكلها...

منانة خرجات فيها عينيها : ويلي عااد فطرنااا ..

مغنية : نوضي عااايشك امنانة راه يومين قبل لعرس ما كاين فخاطري بالخلعة نوضي دابا جيبي ليا نبرد غدايدي...

منانة تنهدات كضحك و ناضت : هاهي الالة لعروسة ..

مشات لكوزينة لبقات ليها ما تاكل و دات ليها .. كانت شهيتها مفتوووحة كتاكل بشراهة ... على عكس منانة لي لوحم عذبها ديال بصح ..

مغنية شافت فيها كيفاش مقبحة سيفتها و سادا نيفها و نطقات : واش كرهتي الماكلة ..

منانة حركات راسها بلا : لا ولكن طلع ليا فراسي الدجاج بالدغميوك و اللحم بالبرقوق .. مشهيا غير شي شراضة بماطيشة و البصلة و الخص .. بااااردة تنعسني

مغنية : نديرها ليك اصحيبتي .. ؟

منانة تبسمات : لا احبيبتي ما تعدبيش راسك نتي باقي عروسة تا نقول لخالتي حليمة تقادها ليا فاش نمشي ...

مغنية : صافي .. عرفتي شنو بغيت ندوش .. تعاونيني .. ؟

منانة حركات راسها بالإجاب : واخا انا ندير ليك البرمة لكبيرة تسخن.. و راه الدوش غي لهيه دخلي دوشي فيه .. راه يالله با قال العربي يديرو على ودك باش تبقاي تاخدي راحتك..

مغنية تبسمات : لهلا بخطيه عمي بن عيسى مسكين ..

خرجات منانة تقاد ليها البرمة.. و هي مشات ل ليفاليز ديالها جبدات بيحامة جديدة تا هي دلعرايسات .. و جبدات شامبو ديالها و دوزانها د التدواش داتهم لحمام حطاتهم .. و بقات جالسا كتسنا فمنانة تا رجعات .. جلسات معاها كيتعاودو علاما حسو بالبرمة دفات و ناضت منانة بدات تنقل ليها الما و هي دخلات تدوش...

خلاتها منانة دوش و خرجات فاش صونا ليها ابراهيم تخرج لعندو ..

عند مغنية ... دوشات و توضات.. و خرجات لاويا عليها الفوطة لحيمتها رطيطبة مبطبطة و حمرااا بالسخونية د الدوش .. و حنيكاتها موردين ... و شفيراتها الطوال لاسقين مع بعضياتهم بالما ..

جلسات فوق النموسية كتنهج .. تا تحلات الباب د البيت .. و نطقات هي بلاما تشرف شكون عند بالها منانة : منانة فين كنتي اصحيبتي عيط ليك دوزي ليا غا بالصابون على ضهري ما لقيتكش خرج..

سكتات مصمرة فبلاصتها فاش سمعات ديك التحنحينة الرجولية ديالو .. و بلاما تحس ناضت قافزة مخرجة فيه عينيها و مزيرة على الفوطة من صدرها و نطقات : العربي ...

#يتبعععع