معذبني غرامك ( قصة جريئة)

91

❌
السلام عليكم بنات قبل ما نبداو عافاكم خليو ڤوط على اي بارت قريتوه .. و خليو تعليق على كاع الفقرات لي أثارو إنتباهكم .. هادا كيتعتابر دعم للقصة باش تزيد تطلع عند ناس كثر عافاكم غير ڤوط و التعاليق و شكرا ليكم بزاف 🩷✨

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

                                 Part : 91

داز عام على زواجهم و ربي باقي ما رزقهم بشي ولد او بنت ... هم كبيييير و كان محطوط على قلب مغنية ..
مغنية لي دوار كولو رجع كيقول ليها العاقرة صافي مشات عليها .. سيغتو فاش مشاو لجئو لطب و تا هو قال ليهم نفس الهضرة .. تاشي حد فيكم ما عندو المشكل .. و خليوها الوقت ...

بكات و شكات همها و غمها لربي.. و الليل ما بقاتش كتنعسو كولو .. كتفيق ساعة او ساعتاين قبل لفجر باش دير قيام الليل ..

مسحات الدموع لي غرقو خدودها .. و بسطات يديها للخالق الواحد الأحد كدعي.. كيف رجعات كتعيش مزيان مع العربي و كتحس بيه باغيها.. يختم ربي فرحتها بنطفة يزرعها فرحمها.. و ما يحرمهاش من الدرية الصالحة ...