معذبني غرامك ( قصة جريئة)

159

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 159

                              #النهــــــاية ..🖤✨

مغنية حركات راسها بواخا و دخلات للكوزينة .. بقات واقفا تماك كتفكر واش تشدو على لعيا تقولها ليه .. ولا تخليه حتى يرتاح ..

بقات حيرانة و مراقباه و هو كيدخل فالميكات ديال التقدية تا سالاهم ..و هز راسو فيها كتبان ليه سااهية .. قطب حجبانو و قلب منها كيتفحصها بعيتبه و نطق : مالك واش باقي عيانة ...

مغنية بلعات ريقها حاسا بالتوتر و نطقات : اه شويا ..

العربي حرك راسو بالإجاب و نطق : انا انعاونك نستفو هادشي و سيري رتاحي ليك ..راه جبت لغدا معايا..

مغنية حركات راسها بواخا و ديك الشي لي كان عاونها تقريبا هو دار كلشي و حطو لغدا تغداو مجموعين و هو ناض خدا دوش هو لول عاد خرج يقضي  اش تابعو ..

غير خرج و هي دخل لبيتها لقات تماك ميكة عرفاتو جاب ليها شي حاجة .. عضات على شفايفها بحماس و مشات كتجري بحال شي بنت صغيرة .. وبدات كتحل فيها لقات السقاطة لي ديما كيجيبها ليها هي لولا .. شكلاط و شيبس و لحلاوي و الموناضات ديال درهم لي كتجمدهم ...

و لقات شي ماكي آخرين فيهم كولونات و سلايب و سوتيامات جداد .. تبسمات و هي كتشوف كيفاش رجع مهتم بتفاصيلها و رجع ما كيخصرش ليها ..

هزات تاني لميكة لقات فيها واحد الصاشي .. هزاتو بين يديها كان الشكل ديالو غويب .. بدات كتقطع فيه و هي تخرج عينيها فاش شافت داك لعجب لي جايب ليها ..

داز الوقت و طاح الضلام ..  دخل العربي يالله مسالي شغالو .. طرطق عنقو يمين و شمال ... و زاد داخل متبع ديك الريحة الزوينة ديال الدجاج بالدغميرة لي خارجة من الكوزينة تبسم عرفها غتكون هي مولاتو..

و تم قاصدها .. دخل لقاها واقفا قدام البوطاجي  كتدوق فالمرقة .. ما كانتش حاسا بيه فاش دخل .. تا قفزات فاش حسات بيديه محطوطة مباشرة فوق كرشها و هو محاوطها مت الخلف .. ضحك برجولية من ردة فعلها .. و طبع قبلة دافية على كثفها و نطق بخشونة :  غير انا

مغنية عضات على شفايفها و هي حاسا براحة يدو فوق كرشها و نطقات برقة : خلعتيني بقا ديك الحس العربي..

العربي زاد غرس راسو فنحرها كيستنشق ريحتها المنعشة و نطق :  ديك العربي كتخرج من فمك معسلة ..