معذبني غرامك ( قصة جريئة)

42

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 42

صبح الصباح ..

بدات كتحل فعويناتها و ترجع تسدهم و راسها عاطيها الصداع كيبان ليها لبيت ضاوي.. قطبات حجبانها و بلعات ريقها .. شويا بدات كتوعا على راسها و تتفكر اشنو وقع فالليلة د البارح .. بلعات ريقها .. و رجعات غمضات عينيها و حلاتهم و بالزربة التزنيكة طلعات ليها وجها كامل .. و ناضت قافزة رادا لغطا عليها ..

و كتشوف مع جنابها .. شافت حداها فالناموسية لقاتها خااوية .. تنهدات و عاد طلع معاها الحريق و التوزويز لي كانت حاسا بيه فالتحت ديالها .. قبحات ملامحها بألم و خرج ليها من بين شفايفها امين خفيف بهمس : اااي ..

دورات عينيها وسط راسها حاسا بالشتات فدهنها.. ما قادراش تركز بزاف .. كتفكر داك الشي لي وقع بيناتهم و كيفاش وقع ...
تنهدات و شافت فالحيط قبالتها الساعة كانت 7 د الصباح ...

تحاملات على نفسها محاولا تنوض بزز واخا حاسا بتحتها حرفيا مجروووح .. غير بعدات على بلاصتها و هوما يبانو ليها شي قطيرات صغاار ديال الد.. م فوق من لكوفرلي .. تنهدات مرة اخرى كتحمد ربي و تشكرو انو دازت ليلتها على خير واخا ما حساتش نهااائيا فديك لحلاوة لي دواوي ليها عليها على عكس الألم حسات بيه بحال لي وصفوه ليها و كثر ..

تحنات للأرض بمشقة الأفي هزات خدات شورط لي كانت لابسة ديال الديباردور .. لبساتو و كيفما تحركات كان الضو كيطلع معاها من قاعها ...

وقفات فمنتصف داك البيت .. تالفة فراسها ميات سؤال و اهمهم كان .. فين هو العربي .. ؟
ما لقاتش جواب بطبيعة الحال .. رجعات جلسات حيت ما قدراتش تستحمل داك الألم .. حسات براسها جلسات على شي حاجة .. مدات يديها حيداتها من تحتها ..

و هو يبان ليها السروال المطروز..! غير شافتو و هي تنهد برااحة نسبية .. فاش شافت لطخات و نقيطات من د.. م عذريتها هاكداك باقي حمر ... حطاتو على صدرها و غمضات عينيها و رجعات فتحتهم مبتاسمة: الحمد الله يا ربي ما تحاشمتش الحمد لله ...

طواتو .. و ناضت بزز وقفات هازاه فيديها .. مشات لداك لبلاكار حطاتو فالجهة الخاوية فين غتستف حوايجها .. و دارت مشات لوحدة من ليفاليز ديالها .. حلاتها .. خدات منها بيجامة صيفية بيضة بالبينوار ديالها خااصة بالصبوحي د العروسة .. و هزات دوبياس جداد و واحد لعيبة بحال اولويز و هي ديال الكتان دلقطن كتكون خاصة بالعروسة كديرها ورا الدخلة علا وديت الإفرازات لي كيهبطو .. و هزات لبرودوي لي خداتو باش تسنجا.. و ليبرودوي لخرين لي غتحتاج..

و رجعات واقفات و كيفما دارت كتعكر.. و خلاص فالمشية العذااب الأليم .. كتمشا مباعدة بين رجليها باش تخفف من داك لحريق شويا .. بدات كتقلب على لباب د الحمام الصغيور لي فالبيت على حساب النعت لي نعتات ليها منانة .. تا لقات بابو بيض د لألومينبوم ..

دخلات كان حمام صغير فين طواليط فواحد الفنت و لافابو فوقو مراية صغيرة من هادوك د 30 درهم .. و واحد المساحة صغييرة محطوط فيها طابوري و سطل جداد هاديك د الدوش...
طرفات حالتها واخا غي بالما بارد .. و تسنجات بداك لبرودوي.. و الألم غير ما زاد .. و وقفات غسلات وجها و سنانها بزز...

حيدات عليها داك الديباردور و الشورط ديالو .. و لبسات ديك اللبيسة لي كانت موحدة ... و شعرها خلاتو مطلوق سالف فايت ليها لمحزم...

و خرجات .. مشات بدات كتجمع فالبيت .. باركا على نفسها حيت عارفة غير واحد الشوية و غتجي مها تجيب ليها لفطور هي و لعيالات...

جمعات لفراش هو الأول بمشقة الأنفس .. و ستفات النموسية .. و جمعات لحوايج من الأرض .. رجعات لبيت كيشعل عاد مشات هزات الماكياج ديالها .. ضرباتها تاني بتكحيلة و حمرات حنيكتها و شفايفها و رفعات رموشها بالمسكوة .. و دار زيف حياتي فوق راسها .. و بقات جالسة كتتسنا غير امتى توصل مها ...

تا تحلات الباب ..

#يتبعععع 🔥🔥🤤 يا ترى شكوووون دخلللل 🔥🔥