معذبني غرامك ( قصة جريئة)

152

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 152

بدات مغنية كتسربي فالطبلة ديال اتاي بدوازو " الحلويات و المقرمشات " ديك الشي متيول على حقو و طريقو ...
و علين طير بالفرحة حيت تصالحات مع مها .. جلسات حداها و كانت غير كتبتاسم و تمد و تقرب ليها ..

شي لي لاحضو العربي و ما ينكرش حتى هو فرح  حيت عارف هادشي غيفرح مغنية و يحسن ليها النفسية ديالها ..

و منانة ما بانتش نهااائيا .. مخليا ابراهيم غير كيفكر فيها .. فين غتكون اش تكون كدير ..
تحط حتى لعشا و كلشي كان كياكل و مندامج الا هو ما قدرش بندامج معاهم حيت عقلو كان غير  معاها .. مسح يديه و شاف فالعربي و نطق : فين هي منانة ..

العربي : غتكون غي فبيتها ولا فالكوزينة .. انا نقول لمغنية تمشي تعيط ليها ..

ابراهيم حرك راسو بلا : لا خليها انا انمشي نشوفها..

خرج ما قدرش يتسنا حتى تدخل عليهم و هي اصلا ما كانتش ناويا تدخل عليهم اصلا ..

دخل للكوزينة ما لقاهاش..  و هو يبان ليه الضو د بيتها شاعل ..
قصد البيت و فتح الباب بلا احم ولا دستور ..ما دق ما تا حاجة ..

و هي تبان ليه جالسة فوق الناموسية و هادا طيليفونها و حداها بلاطو د الماكلة ما جايبا ليهم خبار .. غير شافتو و هي تشهق و هزات شالها بالزوبة دارتو فوق راسها متغطية منو و نطقات بحدة : اشنو كدير نت هنا هاه ..

ما جاوبهاش تم غادي بخطواتو ليها و هي كترجع باللور: اش كدير هاه .. واش ما كتعرفش دق فالباب ..

ابراهيم طلعها و نزلها كيفاش لابسا حوايج مستورين لا وكتغطي راسها منو بحالا ماشي راجلها و كان جامعهم فواش واحد ..نطق بحدة مخرجاه عن طوعو بتصرفاتها : علاش كتغطاي مني هاه .. انا براني ..

منانة شافت فيه بتحدي و نطقات بحدة تعادل حدتو : اه براني عليا اسيدي .. و دابا سير خرج بحالك بيناتنا ورقة غنمشيو اسيدي نقطعوها و ما تعرفني ما نعرفك ..

ابراهيم زييير على فكو تا برزو عضامو ..و نطق : اش كتخوري..

منانة هزات فيه حاجبها و نطقات : ايه كيف سمعتي.. و دابا خرج عافاك راك داخل عليا ولية لبيتي ..

ابراهيم كلما كيشوفها كتزيد تحطي شعرها بالشال و تشدو بيدها لا يمشي يفلت و تبان شي زغبة كيتعصب..بلاما يحس .. شد داك الشال جرو ليها من فوق راسه  بالجهد تا حيدو ليها مخلي شعرها يتطلق هاكداك على طولتو ..

و قبلنا تبدا تغوت و تعاتب كان هجم على شفايفها بقبلة شرسة متوحشة كاتم صراخها بيها .. كان كيبوس فيها بلهفة و كلما حاولات تتنتر و تقاوم كيزيد هو يكتاسح شفايفها فديك القبلة ..

بعد عليها و هو كينعج و باقي شادها من خصرها ما طلقهاش نهائيا .. و حتى هي بقات كتنهج  بقاو كيشوفو فبعضياتهم و كينهجو بجوج ..

تا حس بكف جاه من عندها مخلي وجهو يدور ..
رجع دار شاف فيها  و هو مزييير على فكو .. و رجع تاني كتاسح شفايفها بقبلة  معااقبها على ديك الصفعة لي عطاتو .. مخليها غتسطا و تحماق بين يديه ماشي هادشي لي كانت كتخطط ليه هي من البداية ..

فصل ديك القبلة و كأنها معركة و كان داخل ليها و حط  جبينو على جبينها كانو قراب بزاف لدرجة كيتنفسو انفاس بعضياتهم و هوما كينهجو بحالا كانو كيجريو ..و نطق هو بخشونة : غتزيدي قدامي لدارك بالخاطر و لا غنديك بزز.. يالله ..

#يتبعععع ..

و التتمة انشاء الله غتكون يوم السبت المقبل 🩷 لبنات لي عندي فأنسطا غدا غتعرفو علاش .. و نتلاقو السبت انشاء الله ✨
حسابي على انسطا: itsimaneimy