معذبني غرامك ( قصة جريئة)

92

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

                                 Part : 92

نعسات فحضنو ديك الليلة و لقات راحتها.. كان قاسي و ما عزيزش عليه كثرت التعناق و الحنان ..ولكن قدامها ما قدرش .. ما قدرش يخليها كتتقطع غير بوحديها ..

باس جبينها .. كيتأمل فثنة ملامحها.. و هي ناعسا بحال شي درية صغيرة فجسم مرا ناضجة..  داتو عينو حتى ..سرعتنا تلاشا خضنهم فاش كل واحد فيهم نعس و تقلب.. تا صبح الصباح .. و ناضو كلها و مشا لصلاح بلادو ..

دازو ايام اخرين و الأيام رجعو شهورا .. و هاد المرة فدار القايد .. كانو مجموعين على واحد البراد د أتاي بدوازو.. فجلسة نسائية 100% ... كانت حتى مغنية معاهم .. جايا تضيف تشوف مها حيت كانت مريضة ..

الحاجة : اوا امغنية ...كاين شي تماك ولا غا الفرشي .. عمرات شي لكريشة و لا مزال ..

مغنية تنهدا بحزن و نطقات : مزال الحاجة ..

الحاجة تبسمات و طبطبات على كثفها و نطقات : دابا تعمر انشاء الله .. كلشي عند ربي قريب .. حق الشهر امتى اخر مرة جاتك ..

مغنية : عاد دوشت منها هاد الصباح ..

الحاجة تبسمات : اوا مزيان .. كتعرفي تشدي لحساب ابنتي .. حليمة علماتك ولا والو ..

مغنية حنيكاتها توردو بالحشمة شافت فمها و حدرات راسها و نطقات : ما علماتنيش ولكن كنعرف الحاجة ..

الحاجة : اوا مزيان نهارات لكبار "ايام الاباضة " راك تعرفيهم .. اوا خدمي على راسك فيهم..

مغنية حركات راسها بواخا علين تمووو ت بالحشمة فاهما مقصد الحاجة ..

الحاجة : شوفي ابنتي راه بحال والو هاد التعطال لي عندكم .. يكون شي تقاف ولا سحور ..

مغنية شافت فيها موسعا عينيها : اويلي على سحور ..

الحاجة : و شكون عرف ابنتي .. راه بنادم خايب .. ولا تقدري تكوني غير خلفتي على شي عجب دايرينو لشي حد و جا فيك ...

مغنية بلعات ريقها و بقات ساكتة مبلونطيا فبلاصتها و الحاجة كملات : على هادشي ابنتي .. خاص تنوضي تجري على راسك ... عطى الله لفقها.. عطا الله الشرفا لي يفكو ليك لا كان عندك شي عجب ...

بقات مغنية غير كتشوف بعينيها و حاسا بقلبها مدعوز.. زعما يكون شي حد دار ليها شي حاجة.. و شكون لي حاقد عليها لهاد الدرجة .. لدرجة يحرمها من الدرية ..

بقات غير ساهيا .. تا على تالي ناضت طلعات هي و منانة لبيتها ...

مغنية غير دخلات هزت محمد بين يديها كتفرح بيه ...و منانة كلسات حداها : شوفي راه مينة بنت الحاجة الخمار.. دايرا شعبانة.. و عرضات عليا و اكدااات عليك حتى نتي تحضري ...

مغنية شافت فيها : و تا يخليني المصعور دخوك...

منانة مصمصات الحامض بين شفايفها : علاش مالو لي ما يخليك .. رغبيه ..

مغنية : بحالا معارفاش خوك زعما يترغب..

منانة : ديري ليه داك الشي لي كيعجبو و يعجب كاع الرجال..

مغنية ضحكت : النعاس .. و راه ديماااا كيديه بزز ولا بالخاطر..

منانة تبسمات بخبث : ولا يا لهبيلة .. النعاس فيه و فيه و الرجال كيعجبوهم شي حوايج سبيسيال..

مغنية قطبات حجبانها هازا واحد فيهم و ضيقات فيها عينيها و نطقات : بحالاش اديك لباطرونة..

منانة ضحكات بإنحراف و نطقات : ديري ليه لكوجااااك .." و ختمات كلامها بغمزة "

مغنية خرجات فيها عينيها بصدمة. نطقات : كيفاااااش ..

✨

خليو ڤوط على اي بارت قريتوه.. و تعليق على اي فقرة عجباتكم او أثارت إنتباهكم ... فضلا و ليس امرا 🥺🩷