قبل ما نبداو .. سجلو حضوركم هنا بشي تعليق زوين بحالكم .. و اي بارت قريتوه خليه عليه " ڤوط + تعليق على اي فقرة عجباتكم " ونبادر على بركة الله
مْــــعَذْبْنيِ غْــــرَامْكْ
" باش يفيد البوح الا كان المقصود لوح ... "
بقلم : I.Imy
Part : 97
العربي من هول الصدمة بقا مصمررر فبلاصتو و هو كيشوف فداك الشي قدام عينيه ... ما متيقش.. و ابراهيم كثر منو .. حاسيين بالأرض دارت بيهم ...
حرفيا حاسين لأرض دارت بيهم و هوما كيشوفو عليالاتهم... شرفهم و عرضهم ... فديك الحالة و ديك الوضع المخل بالحياء ...
فيقهم من صدمتهم كلام واحد فدوك الدراري و هو كينطق بكل سخرية و استفزاز: وسلعة مليحة عندك العربي .. عريضة و مليحة .. اللهم بارك ..
نطق واحد آخر بنفس نبرة لي قبل منو : و تا ختو كتعرف تحرك الطرف ..
و شاف فابراهيم و نطق : المطور فالدار كيديها قحـ ٠ـبة .. بغيت نقول شيخة ...
ما حتاجوش بزاف باش ديك الصدمة ديالهم تترجم لغضب حاسين جوج بالنااار ... حرفيا النار شعلات فقلبهم ..العربي عماه الغضب و عينيه رجعو جمرااات ..
ما حسش براسو تا طار على واحد فيهم شركو هو و صاحبو شبع فيهم بونية و ركل دمغ ليهم وجهم و سرعنما حتى براهيم شبك فالبقية كيسلخ و هوما غير كيطاكيو حيت عارفين القضية حماضت و لا العربي غير ضربهم ابراهيم بمعارفو و فلوسو غيديهم ورا الشمس...
صوت لغوات علا و جاب رجال الدوار لي كانو راجعين بحالهم من الصلا.. لقاو قدامهم ديك لمطايفة و العربي كي شي تور هايج لي جا قدامو كيدوز فيه عياو الرجال ما ينهيو فيه .. دمغ لدوك الدراري وجهم مزيان ... ما حسش تا القا ابراهيم مكتف ليه يديه بجوج من درعانو بيديه..شال حركتو ..
ابراهيم نطق مجاوبو و حتى هو متحكم فراسو بزز : صافي حضر عقلك العربي .. راك سلختيه.. زيد لدارك نشوفو هاد لحريري كي غنديرو ليها ..
جرو غادي بيه و هو على نفس الوضعي مخليه غير كيتنتر باغي يرجع ليهم و كيتحلف عليهم : هاهي فيك بالرب تا نجبد ليكم عينيكم واحد واحد ...
الرجال د الدوار كانو لأغلبية منهم كبار ... و صغار منهم كانو شافو الفيديو ولكن طمرو دارو بحلا ما شافوش.. و تا فالجامع كان التوشويش ولكن لا لعربي لا ابراهيم ما لاحضوش...
تفك العربي و اخيرا من براهيم منتو منو بعنف : صافي ا براهيم طلق اصاحبي..
ابراهيم كانت درجة عصبيتو من درجة عصبية العربي : صافي تهدن اصاحبي ...
العربي بقا كيتهج كي شي تور هايج و صدرو ميطلع و ينزل كتحي بين عينيه غير هي و كلام الناس عليها و على سيبتها .. صافي هادشي لي بقا ليه غير عرضو و شرفو يرجع مسكة ف فم عباد الله ..
ما زاد كلم براهيم ولا دوَّاه.. دار راجع لدارو فعز عصبيتو و غضبو .. يحاسبها على هاد الغلط و هاد الشوهة لي دارت ليه ...
مخلي ابرهيم كيعيط وراه ...
وصل لقدام باب الدار و حرفيا من فرط الغضب يديه مزيررر عليهم و هوما كيتعدو ما بقات كيشوف قدامو ... فتح باب الدار .. و هي ضرب فيه ريحت العود و السغينة...
لداخل كانت فالبيت ديالها يالله مدوشا و خارجة لبسات بيجامة فالأبيض و هزات لمبيخرة كدوز تبخيرة على البيت .. و فرحااانة بهاد الشهر بلا قياس ...دايرا لأجواء و خالقاها و كتفكر اشمن شهيوات تقاد ليهم لفطور ديال غدا ..
تا تدفعات لباب د البيت بعنف تا قفزاتها... دارت قافزة و هو يبان ليها قاصدها نيشان .. بلعات ريقها و الرعب دب فقلبها من مضهرو المرعب: العر...
✨
موجدا ليكم اجزاء كثيرة سو تفاعلو 🥺🩷 ڤوط و تعليق ما غياخدوش من وقتكم بزاف رغيساعدو القصة تطلع اكثر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
