معذبني غرامك ( قصة جريئة)

142

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 142

فطرو مجموعين داك الصباح د الجمعه و العربي الخدمة مرخوفة عندو هاد الأيام ..
كانت متاكل و ساااكتة.. على غير عادتها .. كانت ديما ضاحكا  فرفوشة و غير كتشوف فيه كتبسم .. و حنيكاتها كيتوردو..

تنهد تنهيدة طويلة مخلياه حيران.. اشنو غيدير معاها باش ترجع كيف كانت .. ؟
وقف و نطق : انا خارج الساروت عندي باب الدار متعتبوهاش لي دق ضربو الطم..

منانة : واخا اخويا سير كون هاني ..

حرك راسو و هز سوارتو يخرج يقضي شغالاتو مخليهم باقي جالسين بجرح ..

منانة شافت فنغنية لي ساكتة و تطفات : يا ختي شكون قال العربي يحب تا يسها كاع ...

مغنية شافت فيها مقوسة حجبانها بعدم فهم و هي ضحكات و نغزاتها: نتي دايرا راسك طنة ... ما شتيش كيفاش كيشوف فيهم و تنهد.. خويا و كنعرفو عمرررر عينيه فضحوه تا لهادي .. ديتي ليه لعقل ا دبة...

مغنية تبسمات ابتسامة بهاااثة و هزات فيها راسها و نطقات : القلب برد  ا منانة لا رجعت لخوك رجعت غي هاربا من مي..

منانة تبخرات ابتسامتها و هي كتسمع كلام مغنية لي حرفيا صدمها .. نطقات مجاوباها بعدم تصديق : و من قلبك هاد الهضرة ...

مغنية شافت فيها تاني و حركات راسها بالإجاب مأكدة كلامها .. مخليا الصدمة تزيد تبان على ملامح منانة : و كي درتي ليها بين ليلة و نهار القلب برد ..

مغنية هزات فيها راسها و مطقات : برد و هادشي لي كنت باغيا .. ها انا معاه تا يحن ربي ..

و ناضت وقفات : انا نمشي ندوش و نخرج نعاونك فلغدا...

منانة تنهدات و حركات راسها و نطقات : بلاش عليك غير دوشي و تكاي رتاحي باقي اللحم من لبارح .. انغسل غير هاد لماعن و ندير شلاضة نوجدها فاش يجي العربي غير نسخن و نحط ...

مغنية : واخا صافي ...

و زادت بخطوات ثقال لبيتها .. حاسا براسها كل شويا كتزيد تغرق فهاد الغمامة السوداء.. حاسا بحياتها واقفا .. ما بقات بغات حتى شي حاجة من هاد الدنيا ..
و هادشي عكس خشصيتها تماما .. هي اكثر وحدة كانت عزيزة عليها الحياة بالرغم من الصعوبات بالرغم من الطفولة الخايبة لي دوزات بالرغم من كلشي
ولكن الإنسان فاش كيبا يراكم يراكم .. كيجي واحد الوقت كينهار فمرة مهمى تكون قوتو... و مغنية وصلات لمرحة الإنهيار..