معذبني غرامك ( قصة جريئة)

95

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 95

فدار القايد .. و فبيت منامة بالضبط ..

كانت واقفة مغنية قبالت لمراية كدوز بعكار حمررر د.. م لغزال على شفايفها و كتشوف فإنعكاتها فالمراية بإعجاب ...

دارت شافت فمنانة لي جابدا بزولتها كترجع فولدها و نطقات : كي جيت اصحيبتي..

منانة عضات على شفايفها بإنحراف و نطقات : بووووومباااا يا صحيبتي ليوم تخلي الطايح كثر من المرفود ..

مغنية ضحكااات و نطقات : المرفود كيقول اوه ماي كاااد ...

قحقحو بجوج بصوت عالي .. تا ولد منانة قلط ليها من بزولتها و حتى هو بقا كيضحك معاهم ..

كانو بجوج لابسين تكاشط آخر ما كاين .. منانة تكشيطة ديال جوهرة يالله مخيطاها ليها الحاجة .. و منانة تكشيطة ديال التليجة حرة فيها بزاف د الألوان ..

و مغنية مقادا شعرها مزيان دايرا دومي كواف ولكن مخلية شعرها على طولتو فايت مأخرتها..
و منانة دايراه ويڤي .. و دايرا ليميش..جاوها فنين...

خلط عليهم ابراهيم لقاهم واجدات .. لابسات و مقادات... مشاو معاه و منانة خلات محمد لجداه باش يخليها تاخد راحتها..

وقفات طوموبيل د ابراهيم قدام باب الدار د الخمار.. و دار شاف فيهم بجوجات و نطق : نعيط العيطة لولا تخرجو تفاهمنا ..

منانة : و خلينا نجلسو شويا .. تا نصوني ليك و اجي عاد... صافي ...

ابراهيم كيطلع فيها و ينزل و نطق : و نقصي نتي وياها شويا من الصباغا.. يالله نزلو..

نزلو بجوجات كيضحكو .. مع دخلو حيدو الشيلان ديالهم داروهم فصيكانهم و تمو داخلين على لعيالات لصالون كيعشقو و يزغرتو بجوجات و يشاليو بيديهم مزلكات دهوبات... مخليين العينين كاملا عليهم ..

دخلو سلمو على مينة.. لبنت لي منضما هاد الحفل.. مدو ليها اش جابو فيديهم : ويلي يا ختي منانة لاش معدبا راسك .. جيني غير بوجهك لعزيز نتي و مغنية ..

منانة تبسمات: و غير شدي و قبلي .. و هاهي مغنية جبتها ليك معايا كي وصيتي ..

مينة شافت فمغنية و نطقات: يا ختي عاش من شافك .. شهاد الزين كولو يا ختي جا معاك الزواج العفريتا..