معذبني غرامك ( قصة جريئة)

155

..
مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏ Part : 155

ولكن فالأخير .. لقات راسها ضربوها لحيوط .. و لقات انو هادا آخر ملجأ ليها .. مدات يديها كيترعدو بدات كدق و تعاود ..

حتى سمعات صوت مها من لداخل كان بحال شي بلسم على جروحها خلاها تتبسم ابتسامة باهتة : اصبار هاني جايا ..

فتحات الباب .. و مع بانت ليها بنتها و هي تشهق بالجهد حاطا يديها على فمها و نطقات : حسناء ..

حركات راسها بالإجاب كتبكي و نطقات : انا امي انا ..

مها بلعات ريقها و ردات لباب و خرجات لعندها و نطقات : سيري من هنا .. سيري بحالك من هنا خوتك حالفين لا شافوك غيصفيوها ليك.. سيري من هنا ..

حسناء ببصوت باكي : ولكن امي انا فين غاديا نمشي ..

الأم خرجات فيها عينيها و نطقات بقسوة على عكس طبيعتها الحنونة : سيري لجايحة لي ضربك و اهنيني منك .. سيري من هنا ما نبغيش ولادي يوسخو فيك يديهم .. سيري بحالك ..

حسناء : ولكن امي انا في ..

دخلات مها و زدحات ليها الباب فوجها قبل ما تكمل كلامها .. مخلياها غنحماق بلبكا و كتسمع صوت خوتها كيسولو فمها شكون و وحد فيهم كيحل الصرجم ..

بالزربة هربات من الجهة لوخرا مخبعا و حطات يديها على فمها و كتبكي بحرقة .. بقات هاكداك كتبكي .. حتى تحركات من تماك داخلا بين شجر الجنان قاصدا دار السيمو هي آخر امل ليها ..

غير وصلات بدات كدق فالباب بالجهد .. و كانت متأكدة انو ام السيمو غادي تستقبلها بما انو حاملة من ولدها .. ولكن خاب املها فاش حلات عليها الباب و طلعاتها و نزلاتهت بنضرات كلها اشمئزاز و حقد و كره و احتقار و نطقات : اش جايا ديري نتي هنايا يا لحرامية ..

حسناء بلعات ريقها و نطقات : خالتي عافاك خليني نبقا معاكم السيمو قال ليا راه موصيك نبقا معاكم .. راه دارنا جراو عليا و خوتي باغيين يقت.. لوني ..

ام السيمو خنزرات فيها و دفعاتها مبعداها و نطقات : سيري لخلا لي يخليك .. نتي سباب ولدي تا تالات بيه فالحبس.. سيري الله يعطيك المو ت ..

حسناء نطقات مجاوباها بصوت باكي : عافاك اخالتي ما عندي فين نمشي .. و انا راني حاملة من السيمو ..غير علا قبل لولد لي فكرشي اخالتي ..