معذبني غرامك ( قصة جريئة)

32

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 32

عم الصمت و التوتر فالجو تا كسراتو مغنية و هي هابطا عندهم حنيكاتها مزنكين.. و غير كضحك فرحاااانة فنهارها .. شافو فيها كاااملين و بداو يعشقوو و يصليو على النبي ..

و جلسات حتى هي بداو كيقادو ليها شعرها هو الأول .. دارت دومي كواف ..مشيطة خفيفة ... و قادر ليها ميكاب زوين برز ملامحها اكثر و عتامدو على عويناتها كحلوهم ليها و زادو برزوهم... و ديك اللمعة العسلية فلونهم جاو قتاااا. لين ...

كانت كتشوف راسها فلمراية و الضحكة رافعا حنيكاتها عجبها راااسها لدرجة عويناتها دمعووو .. كانت خايفة تجي خايبة ولا ما يجيش معاها الميكاب..

تنهدات حاسا بقلبها كيدق بالجهد من قوة فرحتها .. كضحك و تتخايل لا شافها العربي هاكدا اش غتكون لغياكسيون ديالو .. اكيد غتعجبو .. ضحكات بخفة على خيالها الواااسع لي خلاها تتخايل واحد رد الفعل رمنسي من العربي ناسيا انو هاداك العربي ..

تنهدات و دارت عند منانة لي تصدمات حرفيا فاش شافتها و شهقات حيت ما كانتش معاها تخنقات فالصالون و خرجات على برا .. حطات يديها على فمها مخرجة عينيها و نطقات : تباااااارك الله ماشاااء الله ..

و زادت قربات منها كتساري عينيها عليها و علامات دهشتها و اعجابها واااضحة من ردة فعلها : واااااو امغنية جيتي كتحمقيييي.. نارييي الماكياج شحال واتاااك ..

مغنية زمات شفايفها مزنكة و نطقات : نعجب لحبيب ديالي ياكي ..

منانة حركات راسها بالزربة و نطقات : ويلي اتحمقييييه لا شافك

مغنية عضات على شفايفها ما قاداها فرحة و عاد ردات لبال لمنانة لي تا هي كانت طالقا شعرها مصاوباه سامبل و دايرا تا هي ميكاب ثقيل ديال لعراسات جاااي معاها : تا نتي جيتي فنة اصحيبتي ..

منانة تبسمات و رجعات جمعاتها و نطقات مخيبا سيفتها : الله يحفضك احبي .. شكون خلاك تفرحي براسك ..

مغنية خمزاتها بمعنى : اويلي مالك اش واقع..

منانة ما خلاتهاش فقلبها بدات كتعاود ليها على داك الشي لي قالت ليها حنان خت ابراهيم ..

داز الوقت و وصلو لدار .. و كان كلشي واجد... الصالون لكبير ديال دار القايد ... كولو مضروب من القاف تا لقاف ببنات الدوار و عيالات الدوار جايين يحضرون لمغنية فليتها ..

كانت النقاشة موجدا ليها الكليسة ديالها د الحنة ... بالطرز الفاسي داك الشي على حقو و طريقو و على الطبلة د الحنة محطوط الورد و الشمع و الحنة وريقات و التمر معمر بالنوا .. و لبخور باش غتبخر لعروسة و لعويتقات ...

و لفوق فبيت مغنية و مها ..كانت النكافة كتحط ليها آخر اللمسات على اللبسة ديالها ... وقفات مبعدا شويا كتشوف فيها و علامات الإعجاب و رضى واضحين من ابتسامتها. و نطقات : تبااارك الله و صلى على النبي .. طلعتي فنة ...

مغنية تبسمات مزنكة و حشمااانة و نطقات برقة : الله يبارك فيك ..

النكافة تبسمات ليها و بدات كتعشق و تصلي على النبي .. و تبعوها المساعدات ديالها معاونينها ..وتعالا صوت الزغاريت و التعشاق فالدار كلها .. و هوما مهبطينها فالدروج ... باللبيسة الخضرة ديال الحنة .. و التاج المغربي فوق راسها ... و ليزاكسيسوار من البروش تا لشمار و لخناكات داك الشي مغربي على حقو و طريقو ...

مهبطينها مغطيين ليها على وجها بواحد لبرنتك فنفس لون التكشيطة ... كان ممكن تشوف وجها من خلالو .. و تشوف ضحيكتها و تقرا السعادة فلمعة عينيها ...

#يتبعععع ..