معذبني غرامك ( قصة جريئة)

44

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 44

مدات حليمة يديها شداتو من عندها و فتحاتو قدامهم كاملين و علامات الرضى وااضحين على وجها من ديك الإبتسامة لي على شفايفها .. و هي كتشوف دليل شرف بنتها و عفتها فداك السروال..و كتوريه قدام دوك لعيالات بالعاني باش كاع لفام يتسدووو..

شافت فمغنية مبتاسمة برضى و جراتها عندها عنقاتها عناق حاااار و نطقات : مبروك على بنيتي مبرووك .. هادا هو المضنون فيك ... الله يكمل عليك بالخير ..

مغنية بادلاتها العناق و عويناتها عمرو بدموع .. عناق كان كافي يخليها تنسا كلامها السام لي بسبابو ليلتها دازت صعيييبة من الخلعة لي ركبات فيها ..

حليمة بكااات و هي معنقا بنتها عاد طلعات معاها انها غتفرق عليها ..

الحاجة : ويلي احليمة شدي فراسك براك ...

حليمة بعدات على مغنية و بقات شادا ليها فيدها و نطقات بصوت باكي : هادي هي لي بقات ليا الحاجة .. هاهي كبرات و تزوجات ومشات لدارها ..

الحاجة تبسمات : اوا دعي ليها بالتسخير و الدرية الصالحة هي و هاد الناس ..

حليمة شافت فمغنية بنتها و طبعات قبلة على جبينها : الله يكمل عليك بالخير ابنتي .. الله بجعلها عتبة مباركة مسعودة عليك .. و نشوف وليداتك و نربيهم معاك ..

مغنية تبسمات وسط دموعها : امين امي آمين ...

الحاجة شافت فمنانة و نطقات : منانة بنتي نوضي سيري عند لعيالات جيبي الطيفور لمزوق .. و قولهم ينزلو لفطور لصالون يالله ..

منانة ناضت : واخا اخالتي ..

و خرجات لعند لعيالات لقاتهم فالكوزينة.. سبقو العربي و بن عيسى و ابراهيم هوما لولا بلفطور...
دخلات عليهم و نطقات : عطيوني الطيفور لمزوق ... و قالت ليهم خالتي نزلو لفطور فالصالون ..

ناضت وحدة من لعيالات قاااا.. تلها لفضول : امضرا.. طلعات عزبة ..

منانة علات فيها حاجبها : و هادي فيها الشك .. طلعاااات عزبة يا لالة ..

لعيالات شافو فبعضياتهم و كل وحدة و اش بدات كتقول .. مدات وحدة فيهم الطيفور لمنانة .. خداتو من عندها و مشات لبيت ..

عطاتو ليهم فرشو فيه داك السروال على الجهة لي فيها الد..م ...
و داك الساع ناضت الحاجة فتحات صاكها و جبدات منو واحد الزيف مطروز... فتحاتو و جبدات منو 3 ديال الدمالح كبار ديال الذهب ..
دمالج كباار و ثقال و باينين قدام و ساويين الثمن.. دوراتهم قدام عينين لعيالات كنوع من التباهي و نطقات : ها لبنتي مغنية .. الذهب لذهب ..

مغنية خرجات فيهم عينيها بحال لي لبسات لمنانة فدخلتها حتى هي ... قربات منها الحاجة شدات يدها كتلبسهم ليها و سلمات عليها و نطقات : مبروك عليك ابنتي .. حمرتي لينا وجهنا .. و حمرتي وجه لمرحوم باك و خوتك ..

مغنية ضحيكتها علين تطرطق حنيكاتها بالفرحة : الله يبارك فيك الحاجة الله يطول لينا فعمرك ..

الحاجة : آمين ابنتي ..

حليمة حتى هي كانت موجدا لبنتها حلاوة الصبوحي ديالها .. حلات حتى هي صاكها و جبدات منو بواطة صغيرة و قديمة ديال لخشب حلاتها كانو فيها حوالق ديالها هي ديال الدهب شراهم ليها بات مغنية مع دهازها و خلاتهم حتى تورتهم لبنتها .. دوراتهم حتى هي قدام لعيالات و نطقات : هانا لبنتي .. الله يجعل ليك كلشي مبارك و مسعود و الله يبعد عليك ولاد لحرام ...

مغنية شداتهم من عندها و عينيها دمعو و عنقاتها و نطقات : الله يخلف عليك امي ..

حليمة بادلاتها العناق فرحانة و رااشقة ليها : تستاهلي المرضية تستاهلي ...

و تجمعو لعيالات لي كانو فالكوزينة عند مغنية فالبيت كيباركو ليها و عينهم غا الطيفور يشوفو الصبوحي ديالها بعينيييهم ..

هزات حليمة داك الطيفور لي فيه السروال فوق راسها خارجا بيه من البيت الصالون فين غينجمعو .. فاش حسو بالرجال خواو ليهم ...

دخلو لبيت بابنادر كيشطعو و يغنيو " عافاها عافاها حمرات وجه يماها.. عافاها عافاها حمرات وجه يماها "

و تحط داك الطيفور فالوسط رماو فوقو الحلوة .. و خلاوه تماك .. دايرين بيه كيفطرو ...

#يتبعععع غدا انشاء الله 🤤❤️ خليو نجمة و تعليق شجعوني 😍