معذبني غرامك ( قصة جريئة)

148

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 148

قالت كلامها و جات تنوض .. لكن لقات راسها محبوسة بين درعانو  : و طلق العربي ... طلق فيا الجوع خليني نمشي ناكل ..

العربي ضحك  و شدها تاني هاجم على شفايفها كيبوس فيها بشغف .. ما تفكات منو بمشقة الأنفس .. لبسات عليها  قدام عينيه .. هو لي علين ياكلها بشوفاتو ..

سالات و شافت فيه كيفاش متكي قدو قد الصخط..  صدرو العريان لي كاسيه زغب .. زايدو رجولية .. وريحة الفحولة كتفوح منو ..
داير يدو تحت راسو و يد مسوحها قدامو .. كان من النوع د الرجال لي  صحاح و عودهم ثقيل ...

قلبات فيه عينيها كنوع من التمياق سالبا عقلو بحركاتها و ناضت هاكداك قدامو كتتمختر بديك لبيجامة الصيفية لخفيفة لي كانت على شكل كسيوة .. تنكر و تقول ما عجبهاش احساس انو هو لي تابعها و باغيها .. لا نهائيا و هي بلاما تحس كتلقا راسها كتتعمد تثيرو اكثر..

وصلات لباب لبيت و شافت فيه و نطقات : نت ما غتعشاش..

العربي بعد عليه ليزار لي ساترو و ناض : هانا جاي غي سبقيني..

مغنية ما علقاتش علا كلامو خرجات و خلاتو .. مشات لقات منانة تعشات و دخلات لبيتها تنعس و خلاتهم غير هي وياه الراس فالراس يتعشاو بجوج ..

و ديك الشي لي كان سخنات مغنية لعشا و قاداتو فبلاطو كيف عادتها متولة.. و خرجات لقاتو هو جالس كيتسناها...

سماو الله و بداو كياكلو و هي تهز قرعة د الموناضة آيس كبات ليها و نطقات : نكب ليك ..

العربي حرك راسو بالإجاب و هي نطقات مستغربة:  موالف كتشرب كوكة.. !!

العربي بلع ديك الشي لي كان ف فمو عاد جاوبها بهداوة : مقاطعين كوكة.. 

مغنية شافت فيه بإستغراب اكثر و نطقات بتسأل : و علاش .. !؟

العربي رد عليها بنفس النبرة الرجولية الهادية :  حيت شركة د الصها.. ينة .. و الصهاينة كيْقَّتْ لو فخوتنا فغـ . زة ..

مغنية حركات راسها  و نطقات : اوا الله ياخد فيهم الحق ..

العربي : آمين ..

كملو عشاهم فجو هادي مرة مرة كيجبدو موضوع يدويو فيه .. تا سالاو و هو يبدا طيليفون العربي كيصوني .. بعد عليها شويا و جاوب : وي براهيم .. لاباس عليك ..