معذبني غرامك ( قصة جريئة)

153

..
                         مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏                                  Part : 153

فصل ديك القبلة و كأنها معركة و كان داخل ليها و حط  جبينو على جبينها كانو قراب بزاف لدرجة كيتنفسو انفاس بعضياتهم و هوما كينهجو بحالا كانو كيجريو ..و نطق هو بخشونة : غتزيدي قدامي لدارك بالخاطر و لا غنديك بزز.. يالله ..

بلعات ريقها و هي كتاخد انفاسها .. بعدات عليه بنفور و شافت فيه بحدة و نطقات : ما راجعاش يالله جري طوالك ..

ابراهيم خنزر فيها و نطق بحدة : اوا هنا غتبقاي والله لا طلقتك غنخليك معلقة و حتى ولدك ولله لا عاودتي شتيه..

منانة تبسمات بإستهزات و نطقات بكل ثقة : الاما طلقتيش نت .. انا غندير ليك الخلع يالله .. و الولد ربح بيه .. طال الزمان ولا قصار غادي يكبر و غادي يعرفني مو و يجي لعندي .. و انا باقي لعمر كلو قدامي باقي نجيب سييييد سيدك و نولد معاه طاااشما د الولاد واش يحساب ليك حياتي واقفا عليك  مثلا ..

ابراهيم باقا كيشوف فيها و هضرتها دخلات ليه مع ودنيه بحال شي سم قااا تل مخليا العافيا تشعل فيه .. ما حسش براسو كيفاش حتى صرفقها حتى لوجد ديالها دار .. هو لي عمر مد يدو على  شي مرا او فكر يديرها .. ولكن هي خرجاتو عن طوعو كيفاش كدوي بكل استفزاز .. هو لي كان يحساب ليه انو ممكن يلوي دراعها بولدها ..

ولكن خيبات ضنو.. هي لي رجعات شاف فيه شوفات كلهم حقد الدموع مجموعين فعينيها و نطقات بحدة : خرج برا يالله خرج عليا ..

ابراهيم زييير على فكو و شدها من شعرها جرها لعندو ما كانش مفروضين عليها .. حط جبينو على جبينها حاس بالعافية شاعلا فصدرو : علاش كديري فيها مضلومة هاه علاش .. ياك غي السحور لي بقا ليقت دايراه ليا .. و زايداها بتخراج العينين ..

منانة بعدات منو حتى وضاحو ملامح وجهه قدام عينيها و نطقات : ياك اسيدي انا سحرت ليك .. ياك اسيدي انا ما نسوا ما نصلاح و انا ماشي من مقامك اوا طلقني و سير اسيدي جيب الشريفة العفيفة لي ما تسحر ليك ما تآديك ..

ابراهيم بقا كيشوف فيها و صدرو كيطلع و ينزل من قوة دوك المشاعر العدوانية لي كاتم فصدرو ..  كان عند بالو غير غادي يمشي يرجعها صافي غترجع معاه بكل سهولة .. ما كانش عارف انو  غيكون هادا هو جوابها ..

بلع ريقو كيراقب حركات حواجبها لي كتحرك فيهم بهداوة و ملامحها لي ما باين عليهم حتى تعبير .. غير انه. الصفة لي عطاها تعلمات على وجها ..
سكوتو و عجزو فديك اللحضة خلاها تعرف انو خطتها نجحات .. و انها وصلات لمبتغاها و خلاتو يعرف انو  عمرها غتكون عطالة لا عليه ولا غيرو ..