معذبني غرامك ( قصة جريئة)

100

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

‏ Part : 100

مشا الذكتور مخلي حليمة منهاارة.. و العربي مصدوم .. و كلمة طاح ليها الجنين كتتعاود فراسو .. ودنيه بداو كيصفرو.. كيرمش و يعاود كيحاول يستوعب انو قت.. ل ولدو بيديه .. قتـ ل حلمها لي شحال و هي تجري وراه .. رجع بلور منهار و طاح فالأرض جالس و حاط يديه بجوج على راسو .. كيسمع لحليمة كتلومو و ابراهيم كيسكتها..

هز راسو فواحد اللحضة كيشوف باه حتى منهار و كيبكي .. و ابراهيم معنق منانة كيحاول يكالميها... تنهد بضيق و نزل راسو .. حاس براسو وصل للحافة... قتـ ل ولدو بيديه و هو مزال فكرش مو .. صافي حس براسو خسر كلشي...

ما دازش بزاف .. تا تمو مخرجينها محولينها لغرفة الإنعاش .. وقف العربي منتفض من بلاصتو و هو كيشوف فيها مغيبة و صفراا و فمها بيض و بشرتها شاحبة و آشار العن ف و الضرب باين عليها .. عينيها بجوج زرقين ...

دوز يديه على وجهو كيشوفها كتبعد و هو مكثف ما قادرش يتبعها... مخلي غير حليمة تابعاهم و كتبكي ..
قلبو ضرو عليها و ندم تا شاب الرغب فراسو علاش مد عليها يدو و دار فيها هاد الحالة ...

كان باقي واقف ف بلاصتو .. تا كيبانو ليه البوليس و معاهم الطبيب لي عالج مغنية جايين قاصدينو..

الذكتور اشار ليه : هذا هو راجلها .. جابها فديك الحالة كلها مضروبة و طايح ليها بنادم ...

واحد.فالبليس شاف فالعربي و نطق : نت هو العربي ..

العربي حرك راسو بآه ... و بن عيسى وقف كيترعد و يشوف فيهم كيحاول يستوعب اش جاب البوليس..

تا نطق البوليسي : العربي غتمشي معانا...

بن عيسى بلع ريقو و نطق : فين غيمشي معاكم هو ما دار والو اسيدي ..

العربي تنهد و شاف فباه. نطق : بقا هنا لا فاقت .. انا انمشي معاهم ...

بن عيسى :ولكن اولـ..

قاطعو البوليسي فاش شد العربي من دراعو : العربي زيد ..

تنهد العربي و زاد معاهم غادي مخلي باه تابعهم حتى هو ... عارف القضية لا تطورات غياخد العربي فيها الحبس..

داز الوقت ... وقف قدام الدار .. نزل من طوموبيلتو باقي صيامو ما فرقوش ...

غير بان ليها و هي تمشي عندو كتجري ووجها كولو منفوخ بلبكا... يالله جات تنطق تفسر ليه .. و تبرر موقفها... و هو يتخطاها و كأنها ما كياناش خلاها واقفا و مصدومة...

زاد لعند مو و نطق : قولهم يوجدو لفطور نديه لسبيطار.. يديرو بحساب حليمة و سي بن عيسى ..

الحاجة : كي بقات مغنية اولدي ... ياكما وقعات ليها شي حاجة ...

ابراهيم تنهد و جلس : طاح ليها بنادم ...

الحاجة جلسات حداه كانهدات بأسف : الله مسيكينة و كانت تمو.. ت و تحمل و يكونو عندها وليدات...

ابراهيم حرك راسو حتى هو ما شافت نهائيا لجهة منانة و كأنها مكيناش ..

الحاجة : اولدي و العربي مالو على حالو لاش يضربها داك الضرب ..

ابراهيم : معذور الحاجة راه شاف عرضو و شوفو كيتجفف بيه قدام الناس هادي راه شوهة... هاهو دابا مشا فيها داوه لبوليس ... الطبيب ديكلارا بيه ... خليت بن عيسى غيحماق ..

الحاجة حطات يديها على راسها و نطقات : الله يا ربي الله و هادشي فين كان مخبي ليها .. عرفتي يا ولدي الدوار كولو مقلوب.. الفيديو ما كانش باينا فيه غير مرتك و مغنية ... كانت باينا مينة بنت الحاجة الخمار .. و بنات بو جمعة مول لحانوت ... و بنات لالة فطِيْمة.. و بزااف د لبنات .. فضيييحة و شوووهة قداااش... مينة مسكينة كانت مخطوبة خطيها غير شاف داك الشي فسخ معاها .. المهم ترونات فالدوار الله ياخد لحق فاي كان حيلة و سباب ...

✨

تذكير : ڤوط + تعليق على اي فقرة حبيتوها 🥺🩷🫶