معذبني غرامك ( قصة جريئة)

94

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

                                 Part : 94

تبت فيها الشوفة مزيان و هو كيدوز الساروت فالباب .. وتم غادي لعندها متبعها بعينيه و داك لمنمر مع بياضها جا ملفت بزاف ..

ضيق عينيه ف عيعنيها لي كيقرا فيهم رغبتها فيه.. شوفاتها كانو كفيلين يفضحو نواياها حيد تيشور لي كان لابس و بقا بصدرو عريان و تكا حداها .. جارها معاه من يدها باغي يبدا دون مقدمات..

ولكن هي كان ليها رأي آخر مستغلة نقطة ضعفو  .. نصاعت ليه مقرياه الأمان.. ولكن غير حسات بيه غيديماري و هي تحبسو مزلعا عليه خيرها و نطقات بدلع و نعومة فصوتها : اويلي صبار العربي مالك مزروب..

و طلقاتها بضحكة أنوثية طويلة قهقهتها ملات البيت مخليا العوافي تشعل فيه.. و عينيه كيتسراو ليه بين خيرها ... حطات عويناتها فعينه كتسبل فيهم و تعض على شفايفها و تطلقهم .. تعض عليهم و تطلقهم دايرا ليه الإثارة و التشويق.. مخليا ريقو يتشف ..

هبطات بطراف صبيعاتها مع صدرو مرورا بكرشو بحركة كتبورش خلات كل حواسو توقف و تنتصب من شدة الإثارة... وعينيها ما مهبطاهمش من عينيه .. كتلاحض فتفاحة آدم فعنقو كيفاش كترتاجف كل ما بلع ريقو .. هنا عرفاتو صافي شاد راسو بزز..

و قبلما تنطق بولا حرف حطات يديها فوق حجرو مباشرة مخلياه كيتزعزع من بلاصتو و هي محافضة على نفس الشوفات عاد نطقات بنعومة: لحبيبة ديالي .. عارفاك ما كترفض ليا حتى طلب ..

العربي من الأول كان عارف هاد الطقوس و التحضيرات وراهم شي حاجة عقد فيها حجبانو ما قادرش يشد راسو مزال .. جرها لعندو كثر و نطق بخشونة : طليقانا لمفيد خلاص شكاين ..

مغنية عضات على شفايفها ضاحكة برقة و نطقات : صبرك تقادا احبيبي .. ؟

ما كانتش منتاضرا شي جواب منو دغيا زربات و نطقات بطلبها:  بنت الحاج الخمار .. مينة.. دايرا شعبانة.. و عارضا على كاع بنات الدوار منهم انا و منانة .. و بغيتك احبيبي غدا تخليني نمشي .. حتى انا نشط و نفوج مع لبنات..

العربي عقد حجبانو كثر و نطق : باش طعرجي ليا وجهك و تمي غادا كي الشيخة فالدوار ...

مغيمة وسعات فيه عينيها و نطقات بالزربة : والله احبيبي ما ندير بزاف د الماكياج.. اصلا غيدينا عزيزي براهيم انا و منانة تا لدار الخمار .. و يجيبنا يردنا..

هزات طريف ما بينوارها و نطقات : و هانتا ندير انا كاع النقاب الحبيبي غير خليني نمشي ..

و شدات داك الطرف و دارتو على نيفها على شكل نقاب و وسعات فيه عويناتها مصطنعة البرائة و نطقات من تحت منو : بحال هاكدا احبيبي شتي ..

العربي غررق عويناتها و تسلب بيهم .. كان مثار لأبعد الحدود .. تنهد باغيها غير طلقو لفراجة و نطق : و يكون خير ..

مغنية حيدات على وجها هاداك الطرف د التوب و طارت عليه بتعنيقة كتحلون عليه : يخليك ليلي الحبيب ديالي كنمو.. ت عليك ..

نهار جديد ...

✨

خليو تعليق على كل فقرة عجباتكم .. و خليو نجمة ⭐️ على اي بارت قريتوه
🩷✨🫶