معذبني غرامك ( قصة جريئة)

65

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 65

داز الوقت و بالضبط شهر على قدو... كان العربي نااعس.. و مغنية حداه ماداهاش النعاس بالتفكير .. يالله خرجات دابا من الحمام فاش حسات بليغيكل هبطات عليها ...

و هضرة مها كتجي بن عينيها .. من لي جات من عندها و هي كتقول مع راسها و صافي راه عادي ..ولكن فاش طلعات فشهرها الرابع د الزواج .. و باقي ما حملات ما والو مع العلم انو العربي فينما تاحت ليه الفرصة كيشدها واخا كيكون المووو.. ت د البرد و تعيا هي ما تتهرب يشدها يتكيها لا دارها بين عينيه ...

موضوع أرق نوممها و عكر صفو مزاجها ... ساااهية فداك الضلام و موجة تديها و موجة تجيبها .. اكبر مخافها تكون عاكرة و يجيب عليها الضرة هادشي لما طلقهاش هو كاع ...

قفزات مخرجها من سهوتها صوت باب الدار و هي كيتزدح و كتسمع صوت لغوات على برا و صوت أنوثي كينادي بإسم العربي ...
شعلات الضو و دارت كتنوض فالعربي مخلوووعة :العربي .. العربي ...

ما ناداهاش كان فغرق نعاسو .. رجعات حطات يديها باردين على دراعو كتفيق فيه : العربي .. وااا العربي ..

حل فيها عينيه مخصررر عاقدهم و نطق : مالنا شواقع ...

مغنية مزال كتسمع الصوت لي حتى هو سمعو : نوووضي شي حد كيهرس علينا الباب و كيعيط ليك ..مرا العربي ..

العربي زاد قطب حواجبو مخنزر و بعد لفراش عليه و ناض خارج يشوف شكون و هي تابعاه .. و تا بن عيسى مسكين فاق مخلوع : ولدي العربي اش كاين ..

العربي نطق و هو غادي للباب: ها انا عاد غادي نشوف ابا..

مشا فتح الباب عاقد حجبانو غير حلها و هي تتلاح عليه كتغوت و تتبكى شدا ليه فدرعانو : العربي .. عتق العربي عتق ...

العربي شاف فيها كيفاش شادا فيه و نطق : اشنو كاين مالك احسناء ..

حسناء حركات راسها جاادبة بلبكا : عتق العربي .. خويا و با جاو هزوهم الجادارمية من الدار ..

العربي بعدها ما عليه بلطف و نطق بخشونة : صافي انا انمشي نشوف اش كاين .. زيدي دخلي نتي بقاي مع مغنية علاما نجي ..

حسناء حركات راسها بواخا غتمو.. ت بلبكا و نطقات : واخا و ما تعطلش العربي راه خليت مي طايحا و عيالات الدوار مجموعين عليها ..

العربي : صافي دخلي ..

و شاف فمغنية لي مربعة يديها و كتشوف فحسناء و نطق : دخليها لداخل ..

و شاف فباه لي باين فيه تخلع و نطق : حتى نت دخل ابا يالله .. دخل سير رتاح ..

بن عيسى حرك راسو بواخا و نطق : وولدي سير دغيا و رجع بحالك ..

العربي حرك راسو بواخا و بدا لباب وراه و دار لطوموبيلتو...

#يتبعععع