معذبني غرامك ( قصة جريئة)

30

مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

Part : 30

منانة تقادات فالجلسة كتعاود ليها : علاه ماشي خوها داك الصباغ هو لي كيصبغ ليك البيت ..

مغنية علات حاجبها مضيقا عينيها كتفكرو: ااااه علااال الزلايلي... داك لي خرج ليهم من الجنب ..

منانة حركات راسها : اياااه هاداك .. اوا و راك عارفا تق.. حبينها دارت السبة بيه و قالك جايبا ليهم واحد لغدا حالتو كي قاشوشها...

مغنية خيبات سبفتها: عنداكي لا تكون دايرا ليهم شي عجب فديك الماكلة ..

منانة حركات راسها تا بلا : الا يا ويلي .. شديتو خويتي فالزبل الله يسمح ليا ..

مغنية عضات على باطن فمها و نطقات : و خبار لحمل ديالك قلتيها لشي حد ...

منانة : لااا ما قلتها لحد ..

دارت حركة بحالا كتسد فمها بالسنسلة و نطقات : درت بوصية خالتي .. قالت ليا اصلا حملك تعطل ستريه تا يثبت..

مغنية : و راه عندها الصح لا جيتي تشوفي .. راه جايا لتلت شهور باش تزوجتي...

بقاو مكملين حديثهم من هادي لهادي ... تا تعاشات لعشية و طاح الضلام ..
و هاكدا مشاو ليام كلها توجاد للعرس و بالضبط كانت باقي على الحنة د مغنية نهار ...

كانت كيف العادة هي و منانة كيوجدو قوام الحمام المغربي د العروس .. لي غيديهم ليه ابراهيم ..
وجدو 5 ديال السليلات. د الحمام مقومين على حقهم و طريقهم ... وحدة د العروسة.. المغنية .. و 4 د المرافقات لي غيمشيو معاها .. منانة و خواتات ابراهيم و مها حليمة ...

كلسات منانة فاش حسات بالدوخة شداتها لوحم بدا كيزيرها و نطقات : مدي ليا كويس د الما امغنية ..

مغنية : الدوخة تاني ...

و مشات لطبلة هزات القرعة مداتها ليها و نطقات : هاكي يغطي ما لقيتش الغراف ..

منانة يديها طااايحين ما قدراتش تا تهزهم: يديا طايحين عليا القو.. ادة جي شربيني ..

مغنية قربات منها كتأفف بتذمر: ففف اللهم طولك يا روح مع لفشوش دهادي ...

دارت ليها القرعة ف فمها كتشربها و نطقات : عجيو تا لويساتك.. تا حنان لي ما عندكش معاها ..

منانة بعدات القرعة على فمها فاش شبعات و نطقات : الحمد الله

و هزات نفس عاد كملات مجاوباها : ففف ما تفكرينيش فهاديك .. كتصرف بحالا عمرها عاشت فهاد الدوار.. ملي تجي و هي تعيب على الناس تقول هي لي خالقاهم ..

مغنية ضحكات بخفة و نطقات : و هي راه ما عاشتش فالدوار بزاف غا دارت 14 تزوجات بولد عمها لاباس عليه فلمدينة ...

مغنية ميقات فيها قالبا عينيها و كملو حديثهم ..

اليوم الموالي ..

كانو مخرجين مغنية من الحمام بالصلا على النبي و الزغاريت و طيابات معاونينهم دايرين حقهم حيت دورات معاهم حليمة زوهراتهم.. خواو ليها السخون على قدو حكات فيه مغنية على يدها .. خرجاتها كتشعل..

من الحمام هزهم نيشان ابراهيم لصالون فلمدينة ...

#يتبعععع ...