معذبني غرامك ( قصة جريئة)

73

            مْــــعَذْبْنيِ غْــــرَامْكْ

" باش يفيد البوح الا كان المقصود لوح ... "

بقلم : I.Imy

                                 Part : 73

مغنية بقات كتشوف فيها و لغصة واحلا ليها فحلقها.. و لسانها تررربط..   عينيها و اخيرااا لمعو فاش تكونات عليهم واحد الطبقة ديال الدموع ..

بلعات ريقها بصعوبة من ديك الغصة لي واحلا ليها و نطقات بصوت شبه مسموع : والو ما كاين والو ..

منانة قطبات حجبانها و جراتها من يدها للقنت د الكوزينة و نطقات : تا نكون ما كتعرفكش امغنية .. دوي .. واش مخاصمة نتي و العربي ولا كيفاش ؟

مغنية ما قدراتش مزال تشد دموعها خلاتهم ينزلو شاقين طريقهم على طول حنكها و نطقات : كنتي عارفة العربي غير ميزز عليه هاد الزواج ..

منانة تصدمات بقات غير كتشوف فيها و ساكتة اش عندها ما تقول .. اه كنت عارفة و نويت ليك على لغذر .. !

مغنية  تبسمات بمرارة  كتحرك راسها بإستهزاء و نطقات بصوت مكسور : كنتي عارفاها امنانة .. كنتي عارفاها ..

منانة ضراتها حالتها فقلبها بزااف لدرجة حتى هي بدات كتبكي و حاوطات حنيكات مغنية بيديها بجوج كتشوف لعينيها المكسورين : ما نويتش ليك على لغذر والله .. ما تشوفيش فيا هاكدا ..كلشي يآديك الا انا امغنية الا انا ..

مغنية غمضات عينيها و الدموع من عينيها شلال .. ما قادراش تستوعب والو فهاد اللحضة بالضبط.. زادت منانة زيرات كفوفها على حناكها و نطقات كتحاول تبرر موقفها و حسن نيتها :  شتك باغياه و فرحانة ما بغيتش نكسر فرحتك .. قلت ما راسي دابا يبغيك ورا الزواج ..

مغنية حلات عينيها فيها و بعدات عليها كتحرك راسها بالنفي : ما بغانيش امنانة تا ورا الزواج ما بغانيش..

حطات يديها على وجها مخبياه بيهم كتبكي بحرقة كاااع داك لبكا لي ما بكاتوش هاد السيمانة .. دابا غتفديه.. منانة تا هي ما كانتش اقل مها ..مشات سدات عليهم باب الكوزينة باش ما يسمعوهمش و دارت لعندها شداتها من يدها جلساتها فوق الكرسي و نطقات : مغنية ما ديريش فراسك هاد الحالة عافاك ..

مغنية بعدات يديها من على وجها و شافت فيها و نطقات : اش بغيتيني ندير امنانة هاه .. اش بغيتيني ندير و انا سمعتو بودنية كيقول  لعمي بن عيسى انا عمري بغيتها ... انا غير درت ليك الخاطر فهاد التزويجة...

هبطات راسها كتبكي و تخوي فقلبها كتحس براسها تالفا ديال بصح .. اش خاص دير كيفاش تتعامل ما عارفاش..

هزات تاني راسها فمنانة و نطقات بقلة حيلة : اش ندير دابا هاه .. اش ندير .. نطلب منو الطلاق .. نسالي هادشي ..

منانة شهقات مخرجة فيها عينيها بصدمة : اويلي على طلبي الطلاق حماقيتي .. بغيتي ديري الضحك فراسك اصاحبتي..

مغنية قوسات حجبانها : و اشنو غندير امنانة نعيش مع واحد ما كيبغينيش هاه .. واحد غير مبززة راسي عليه ...

منانة : يالله ربع شهور دزواج اصاحبتي و عييتي.. راه كلشي منك .. علاش ما تخليهش يبغيك ياك انا عاطياك كاااع سوارتو مين دوزي ليه .. اش كيبغي و اش لا ..

مغنية تنهدات بحرقة و نطقات : و سوارت قلبو امنانة فين هوما فين ..

منانة : سوارت قلبو نتي خاص تفاديهم نتي غتقاديهم ليه .. جربي بالخاطر .. الاما جا بالخاطر نحركو ليه لمجامر..

مغنية شافت فيها بشيء من الصدمة : اويلي على نسحر ليه .. انا بغيتو بيغيني هو من قلبو ماشي تا نسحر ليه ...

منانة : اوا نتي و شطارتك كلشي منك .. نتي غتخليه يبغيك.. شوفي خويا العربي انا عارفاه.... العربي خاصو غير صدر حنين علامن يحط راسو حيت تحرم من مي الله يرحمها .. و من تماك تعقد و قصاح نتي غير حني عليه .. و غتشوفي غيلين بين يديك و يرجع يمووو.. و عليك ...

مغنية تنهدات بيأس : هادشي كولو كنديرو .. و النهار التالي هانتي سمعتي اش قال ..

منانة : يا لهبيييلة .. نوضي دوشي هاد الحالة حيدي عليا داك الموسطاج  .. حيدي عليا هاد الحزن مالو ما.. ت ليك الميت ..
اللسان ما فيه عضم تلقاي كاعما قاصدها .. راه الحب من غيجيجش بين ليلة و نهار و يرجع يم..وت عليك وايلي .. راه خاص وقت غير نتي عليك بالصبر .. كيف صبرتي18  عام  تا تزوجتيه و حنتي لفام و زيدي صبري و ديري مجهودك و العربي انا ضامناه ليك .. و الاما طاحش بالخاطر ديك الساعة دوزي الخطة د لمجامر..

قالت كلامها و ضحكااات .. و ضحكات معاها تا مغنية لي كانو دموعها ما حبسووووش.. حاسا براسها تفاجات فاش بكات ...