العماره الملعونه
_________________
مين فينا ماسمعش عن عماره رشدي
العماره المشئومه اغلب الناس سمعت عنها بس انا عيشت فيها انا مين انا رحمه كنت
احدي سكان العماره المشئومه
كنت عندي 22سنه اتجوزت جواز صالونات علاقتي بجوزي كانت رسميه الا حد ما انا من اسيوط وجوزي شافني ف فرح وقرر يتقدملي واتجوزنا وطبعا لرفضي ورفض اهلي ان اعيش مع اهله ف بيت واحد قررنا نشتري شقه كتبنا الكتاب وجوزي سافر السعوديه وف خلال سنه وجبنا الشقه كان نظام شغله ان كل سنه بينزل اسبوع المهم لقينا الشقه ف عماره تحفه مكنتش فرحانه ان خلاص هتجوز وهعيش ف مدينه حلوه زي اسكندريه طلعنا العفش والشقه رغم جمالها بمجرد انك تدخل من البوابه قلبك يتقبض وتحس انك خايف وجسمك يقشعر المهم محطتش اهتمام اتجوزنا والقصه تبدء من هنا اول يوم عدي كويس بخلاف ان كنت بحس بصوت جري زي مايكون طفل صغير وبعدين الاقي حاجات ف المطبخ تتهبد لوحدها وصوت تكسير ازاز عدي اسبوع واحمد جوزي سافر وبقيت لوحدي ف الطبيعي انا مش بخاف بس كنت طول عمري اقعد اقرا قصص رعب عادي وكنت بقعد لوحدي ف البيت بس الشقه دي لا فيها حاجه غلط حتي وقت النوم كنت بحلم بكوابيس المهم بعد ما سافر جوزي بدات اشوف راجل وست بيتخانقوا مع بعض وطفله صغيره بتجري ع اوضه من الاوض ف الشقه ودايما بشوفها من ظهرها لحد ماقررت ان ادخل ورا البنت دي الاوضه طبعا متوقعه ان مش هلاقي حاجه بس لا لقيت بنت قاعده ف زاويه الاوضه وحاطه وشها بين رجليها ومنكمشه كده وخايفه قربت منها بحذر وقلت لها ان اااا انتي مين
ورفعت وشها وياريتها مارفعت البنت كان وشها محروق ومفيهاش عنين وبدات تصرخ وحسيت كاني اتحدفت واترزعت بره الاوضه وباب الاوضه اترزع ف وشي
_____________
الجزء التاني
فتحت عنيا ولقيت نفسي نايمه ع سريري وفي واحده ست قاعده جمبي انا اول مره اشوفها انا فين ومين حضرتك انا يابنتي جارتك مدام فاطمه احنا طلعنا عشان نقولك ان الحمام عندك مغرق الدنيا ميه وبقالنا اسبوع بنخبط ومحدش بيفتح قلقنا لما البواب قال ان انتي ماخرجتيش معلش يابنتي احنا كسرنا الباب والله اتخضينا عليكي
قومت اتسندت بالعافيه وفضلت اعيط ومدام فاطمه وخداني ف حضنها وبتهديني عدي يومين ونزلت لمدام فاطمه اديتلها مفتاح شقتي وقولتلها انا عندي السكر وبتجيلي غيبوبه بعد اذنك كل شويه اتصلي بيا لو ماردتش افتحي الباب وادخلي فين وفين لما وافقت وقالتلي انتي زي بنتي والف سلامه عليكي ومن هنا ورايح هتقوليلي ياماما فاطمه ونا قاعده معها شوفت بنت كده من سني ابتسمت لي وانا كمان ابتسمت لها وخدت بعضي وطلعت شقتي حسيت ان تعبانه وعايزه انام حسيت روحي بتتسحب قلبي هيوقف من الخوف والسرير بيتهز بيا والاوضه سخنه كانها حته من الجحيم واللي انقذني الاذان صوت اذان الفجر احلي مره اسمعه قومت وصليت وقعدت اقرا قران وبدات الاوضه تتهز بيا وكان العماره هتقع وبعدين ماحستش بحاجه فوقت لقيت بنت مدام فاطمه قاعده جمبي وبتقولي ايه ياستي حمد لله ع السلامه كنتي مهاجره ولا ايه بحاول اصحيكي مش بتصحي انا اسمي نعمه ونتي قلتلها انا اسمي رحمه فضلنا نتكلم ونحكي وارتاحتلي وكانت ساعات بتبات معايا وفجاه لقيتها مش بتيجي نزلت لمدام فاطمه قالتلي معلش يابنتي انا غايبه عنك كان عندي ازمه وكنت ف المستشفي
قلتلها الف سلامه عليكي انا محدش قالي والله بس نعمه ربنا يخليهالك كانت دايما معايا وبتسال عني الست تنحت وبرقت كاني شتمتها وقالتلي نعمه مين
_____________
الجزء التالت
نعمه نعمه مين
نعمه بنتك ياماما فاطمه
قلت جوه نفسي هي نعمه ماقالتش لمامتها انها كانت ساعات بتنام عندي وبتقعد معايا ولا ايه يالهوي البنت هتتنفخ بسببي
وف عز تفكيري لقيت مدام فاطمه بتعيط وبتعيط جامد اوي قلتلها مالك هو انا دايقت حضرتك ولا ايه انتي عارفه انها زي اختي ونا والله بحبها وهي اللي مهونه عليا القاعده هنا وانا لوحدي ومعنديش حد ممكن يضايقها والله انا كنت بتعب وبيغمي عليا وكنت بتعب
قالتلي نعمه ماتت يا رحمه يا بنتي اتوفت من سنتين اتحرقت وهي بتعمل الاكل ف المطبخ اتكلي ع الله يابنتي انا مابصدق ان قلبي يهدا من ناحيه الموضوع ده لوسمحتي اطلعي شقتك
لا لازم افهم ازاي اللي انتي بتقوليه ده نعمه كانت بتطلع وبتقعد معايا وبتبات معايا كمان وف نفس الاوضه ونفس السرير ماتت ماتت ازاي يعني لا ماهو انا مش هتجنن لوحدي يابنتي بقولك ماتت ماتت حرام عليكي يابنتي ماتولعيش قلبي
خدت بعضي وطلعت ع شقتي ونا مش فاهمه حاجه وطلعت لقيت نعمه قاعده ومعها البنت اللي وشها محروق ونا شوفتها وتسمرت مكاني بصتلي زي ماتكون بتقولي تعالي ورايا ورحت وراها
_____________
الجزء الرابع
لقيتني ف الشقه بتاعتي بس كل حاجه متغيره ولقيت نعمه واقفه بتتكلم مع واحد وتقريبا مش شايفني لقيته بيقولها انتي ايه مابتزهقيش قلتلك ظروفي وحشه والحكايه مش ناقصاكي نعمه ردت عليه وقالتله الناس بدات تاخد بالها وبيبصو ليا ف الرايحه والجايه دلوقتي مابقتش نا قصني دلوقتي بقيت تقيله ع قلبك ايه اللي حصل انتي مش قلت انك بتحبني
ايوه بحبك بس لازم تستحمليني
نعمه حطيت ايدها ع وشها وكانت بتعيط راح الشاب اللي واقف معاها ضربها بحديده ع دماغها ولقيت بنت صغيره واقفه وبتصرخ وبتعيط راح جري وراها ومسكها من شعرها واضح انها بنته قالها اخرسي عارفه لو اتكلمتي هعمل فيكي ايه ورجع الاوضه لنعمه وشالها ونزل بيها شقه مدام فاطمه وخد انبوبه البوتجاز وراح فاتحها وكب بنزين قدام كل شقه ف العماره وقفل بوابة العماره الحديد وولع فيها وطلع يجري حتي بنته سابها جوه العماره كلها ارواح غاضبه ومحدش هيقدر يوقفها القضيه دي اتايدت ضد مجهول ومحدش عارف العماره دي اصلا من ساعه ما اتبنت وهي ملعونه ولا احنا السبب وجيبنا اللعنه لحد عندها بالطمع وقله الضمير محدش صدقني انا لقيت نفسي بعفشي وهدومي وكل حاجه ف الشارع ازاي وامتي ماعرفش لما رحت سالت قالولي ان انا الوحيده اللي كنت ساكنه ف العماره بعد التجديد وقبل كده العماره ولعت باللي فيها العماره رجعت تاني محروقه ومتفحمه وصاحبها محدش يعرف مكانه وقفلها ومشي ورجعت العماره ولا كاني حد دخلها كانها بقالها ميه سنه ومحروقه زي ماهي
ونا فين انا ف مستشفي المعموره للامراض النفسيه والعصبيه اللي بشوفه هنا العن من اللي بشوفه ف العماره بمراحل محدش صدقني ونتوا كمان ممكن ماتصدقوش بس انا ماكدبتش
النهايه
