Hail the king(1-200)

25

Uni
======
Hail The King
အပိုင်း(၂၅)

တိုက်ခတ်နေသော လေညင်းသည်အရိုးစိမ့်အောင်ပါ အေးစက်လှသည်။ဖှေး ခိုက်ခိုက်တုန်နေရာမှ မျက်လုံးများကို ဖွင့်ကြည့်လိုက်၏။

"သေစမ်း ငါညကင်းစောင့်ရင်းနဲ့ အိပ်ပျော်သွားတာပဲဟ။ ရန်သူတွေလာမတိုက်ခိုက်တာ တော်သေးတယ်။" ဖှေးအနည်းငယ်ထိတ်လန့်သွား၏။

ဖှေး စဥ်းစားနေတုန်းမှာပင် မွှေးပျံ့သောရနှံ့တစ်ခုရသောကြောင့်လှည့်ကြည့်လိုက်ရာ သူ၏ဘေးတွင် အိပ်ပျော်နေသော အန်ဂျယ်လာအားတွေ့လိုက်ရသည်။

ချမ်းအေးလှသောကြောင့်လားမသိ အန်ဂျယ်လာသည် ဒူးနှစ်ဖက်ကို လက်နှင့် တင်းကြပ်စွာဖက်တွယ်၍ အိပ်ပျော်နေ၏။ အိမ်မက်ကောင်းတစ်ခု မက်နေသည့်အလား သူမ၏နှုတ်ခမ်းများမှာလည်း ပြုံး၍နေလေ၏။သူမ၏ဆံနွယ်ထိတ်ဖျားတို့မှာ နှင်းစက်များစိုပြီးတောက်ပနေ၏။ ကြယ်လရောင်များအောက်တွင် အိပ်ပျော်နေသော အန်ဂျယ်လာသည် နတ်သမီးတစ်ပါးကဲ့သို့ပင် လှပလွန်းလှသည်။

ဖှေး အနည်းငယ်လှုပ်ရှားရာ သူ၏ ကိုယ်ပေါ်တွင်ကတီပါစောင်တစ်ခုခြုံထားကြောင်းတွေ့ရသည်။အန်ဂျယ်လား ဖှေးအတွက်စိုးရိမ်ပြီး ယူလာကာ ခြုံပေးထားခြင်းပင်။စောင်၏အနွေး ဓာတ်တို့နှင့်အတူ ဖှေး၏နှလုံးသားမှာလဲ နွေးထွေးနေ၏။

ဖှေးမတ်တက်ထပြီး ထိုစောင်အားအန်ဂျယ်လာ၏ကိုယ်ပေါ်သို့ ခြုံပေးလိုက်သည်။ အန်ဂျယ်လာသည် ဖှေးအတွက် စောင်ယူလာပေးသော်လည်း သူမကိုယ်တိုင်မာမူပါးလွှာသော အဝတ်စားများသာ ဝတ်ထားလေသည်။

အန်ဂျယ်လာအား နွေးထွေးအောင် ခြုံပေးပြီနောက် ဖှေးအဆောက်ဦးအတွင်းမှ တိတ်ဆိတ်စွာထွက်ခဲ့သည်။ခံတပ်နံရံပေါ်တွင် လုံးဝတိတ်ဆိတ်ငြိမ်သက်နေ၏။ကင်းလှည့်နေကြသော စစ်သားတချို့သာရှိကြသည်။ဇူလီမြစ်ကမ်းတစ်ဖက်ရှိ ရန်သူ့စခန်းမှာလည်း တိတ်ဆိတ်ငြိမ်သက်နေသည်ကို တွေ့ရသည်။ဖှေးအနည်းငယ် စိတ်သက်သာရရသွားပြီး တဖက်သို့အလှည့်တွင် အံ့သြသွားရ၏။

အန်မာသည်လည်း ခံတပ်နံရံပေါ်သို့ရောက်ရှိနေသည်ကိုတွေ့ရသည်။ သူမသည် မျှော်စဥ်အဆောင်ဦး၏ ပျက်စီးနေသည့် တံခါးဝအားစောင့်ရှောက်နေသည့်အလား ထိုအနား၏နံရံတွင် မှီလျှက်အိပ်ပျော်နေလေ၏။သူမ၏ရွှေရောင်ဆံပင်များနှင့် အဝတ်အစားတို့မှာ မနက်ခင်းလေညင်းနှင့်အတူ တလွှင့်လွှင့်ဖြစ်နေလေသည်။