Hail the king(1-200)

198

Uni
======
Hail The King
အပိုင်း(၁၉၈)

ချမ်းဘော့ဒ်တိုင်းပြည်ဘုရင် လေ့ကျင့်နေခြင်းပြီးဆုံးကာ ပြန်ရောက်လာကြောင်းသတင်းမှာ ချမ်းဘော့ဒ်တိုင်းပြည်တစ်ခွင်သို့ ပြန်နှံ့သွား၏။

တစ်ခြားတိုင်းပြည်မှ ချမ်းဘော့ဒ်သို့ သတင်းအချက်လက်စုဆောင်းရန်အတွက် လာရောက်ခဲ့ကြသည့် လူများအားလုံး ပို၍ဂရုစိုက်ကာ တက်ကြွလာကြသည်။ သူတို့ဤနေရာသို့ လာရောက်ရသည့်အကြောင်းအရင်းမှာ နာမည်ကျော်ကြားစပြုလာသော ချမ်းဘော့ဒ်တိုးင်ပြည်မှာ မည်မျှသန်မာကြောင်း အကဲခတ်ရန်ဖြစ်သည်။ ထိုအချက်လက်အပေါ်မူတည်ကာ သူတို့၏ တိုင်းပြည်များသည် လာမည့် ဇီးနစ်အင်ပါယာစစ်ရေးလေ့ကျင့်ပြိုင်ပွဲအတွက် ပြင်ဆင်နိုင်မည်ဖြစ်သည်။ ဇီးနစ်အင်ပါယာတွင် အဖွဲ့ဝင်နိုင်ငံပေါင်း ၂၅၀ရှိသည့်အနက် နိုင်ငံအများစုမှာ အားနည်းသောနိုင်ငံများဖြစ်သော်လည်း ရည်မှန်းချက်ကြီးအားသည့် အင်အားကြီးနိုင်ငံတစ်ချို့လဲရှိ၏။ ထိုနိုင်ငံများမှာ အမြင်ကျယ်ကြပြီး အနာဂတ်တွင်ပြိုင်ဘက်ဖြစ်လာနိုင်သည့် နိုင်ငံများကို ကောင်းစွာစောင့်ကြည့်လိုကြသည်။  ထို့ကြောင့် သတင်းအချက်လက်စုဆောင်းခြင်းမှာ ၄င်းတို့အတွက် များစွာအရေးကြီးလှ၏။

သတင်းအချက်အလက်များစုဆောင်းပြီး ရောင်းချကြသည့် အဖွဲ့စည်းများသည်လည်း သူတို့၏လူများကို ချမ်းဘော့ဒ်တိုင်းပြည်သို့ စေလွှတ်ထားခဲ့ကြသည်။

ထိုလူများမှာ အရေးကြီးအချက်လက်များစုဆောင်းရန်မှာ အလွန်ခက်ခဲလိမ့်မည်ဟု ထင်မှတ်ခဲ့ကြသဖြင့် စွန့်လွှတ်မှုတစ်ချို့ပြုလုပ်ရန်ပါ ပြင်ဆင်၍လာခဲ့ကြသည်။ သို့သော်လည်း ချမ်းဘော့ဒ်ဘုရင်သည် သူ၏လေ့ကျင့်မှုပြီးဆုံးသည့် အထိန်းမှတ်ဖြင့် တိုင်းပြည်ထဲရှိ ဘုရားကျောင်းရှေ့တွင် ပျော်ပွဲရွှင်ပွဲကြီးတစ်ခု ထင်လင်းစွာကျင်းပလိမ့်မည်ဟု မည်သူမျှ ထင်မထားခဲ့ကြချေ။ လူတိုင်း ချမ်းဘော့ဒ်တိုင်းပြည်၏ ခန့်ညားသောဘုရင်အလတ်ဇန္ဒားနှင့် နတ်သမီးကဲ့သို့လှပသည့် ဇနီးအန်ဂျယ်လာတို့ကို ဤအခမ်းနားတွင် မြင်တွေ့လိုက်သည်။ မြို့ပြနှင့် စစ်ဘက်ဆိုင်ရာမှ အရေးပါသည့် ခေါင်းဆောင်နှင့် အရာရှိများအားလုံး ဤအခမ်းနားသို့ တက်ရောက်ကြ၏။ လူအများအား အံ့သြစေဆုံးအရာမှာ ဇီးနစ်အင်ပါယာ၏ အကြီးဆုံးမင်းသမီးတာနာရှာသည်လည်း ဤအခမ်းနားသို့တက်ရောက်လာခဲ့ခြင်းပင်။
သူမနှင့် ချမ်းဘော့ဒ်ဘုရင်သည် မတွေ့တာကြာသော သူငယ်ချင်းများကဲ့သို့ ရင်းနီးစွာ စကားပြောဆိုနေခဲ့ကြ၏။