Uni
======
Hail The King
အပိုင်း(၇၄)
အီဗန်ဟုခေါ်သော မှော်ဆရာမှာ အလွန်စွမ်းအားကြီးသလို နောက်ခံအင်အားလဲအလွန်တောင့်တင်းလှ၏။ ထို့အပြင်သူ၏ ယုတ်မာကောက်ကျစ်တတ်သော စိတ်ထားကိုလည်း ဖှေးသိရှိပြီးဖြစ်၍ ထိုမှော်ဆရာအား ကုသမပေးရဲပေ။ ဖှေးအခိုက်တန့်တစ်ခုစာခန့် ဂရုမစိုက်ပါက ဤကစားပွဲတွင်ဖှေး ရှုံ့နှိမ့်သွားမည်ဖြစ်သည်။ ချမ်းဘော့ဒ်တိုင်းပြည်ရှိ လူများလဲအကုန်အသတ်ခံရနိုင်၏။ ဖှေးထိုကဲ့သို့ အဆိပ်ပြင်းသောမြွေအား ရင်ခွင်မပိုက်ရဲပေ။
ဒဏ္ဍာရီလာမြေနေရာဟောင်းများ၏ လျို့ဝှက်ချက်၊ ချမ်းဘော့ဒ်တိုင်းပြည်၏ သမိုင်းကြောင်း၊ အန်ဟိုဗင် အင်ပါယာ၏မင်းသား မတ်တီဂျ-ကိဇ်မန်း၏ သေဆုံးမှုစသောအချက်တို့အား ဤမြေအောက်ရေ သံမဏိအကျဥ်းထောင်အတွင်း၌ပင် ထာဝရမြုပ်နှံပိတ်လှောင်လိုက်တော့မည်ဖြစ်သည်။ ဖှေးမှလွဲ၍ မည်သူမျှသိ၍မဖြစ်ချေ။ နိုင်ရာစားဝါဒ အသုံးပြုသည့် အေဇာရာတိုက်ပေါ်တွင် ဖှေးတစ်ချက်မျှသတိလွတ် ပေါ့လျော့၍မရချေ။
"ငါတို့တွေတူညီချင်ရင်တော့ တူညီလိမ့်မယ်.....ဒါပေမယ့် ကံတရားကတော့ မင်းဘက်မှာရှိမနေခဲ့ဘူးပေါ့......"
ဖှေး [အတွင်းအား ဆေးပုလင်း]တစ်လုံးအား ထုတ်ယူပြီးသောက်သုံးလိုက်၏။ သူ [ဆေးပုလင်းရှာဖွေခြင်း] အစွမ်းကိုအသုံးပြုခဲ့စဥ်ကကုန်ဆုံးသွားခဲ့သည့် အတွင်းအားမှော်စွမ်းအင်များကို ပြန်လည်ဖြည့်တင်းရန်ဖြစ်သည်။ ထို့နောက်တွင် သူ၏လက်ဖဝါးအား မှော်ဆရာ၏အလောင်းပေါ်တွင် တင်လိုက်ပြီး [ဆေးပုလင်း ရှာဖွေခြင်း]ကို ထက်မံအသုံးပြုလိုက်သည်။
"ဖောက်..."
ကောင်းကင်ဘုံမှ အသံလေးဖှေး၏ နားထဲတွက်မြည်ဟီးသွားသည်။
"ဒါပဲလေ....."
ဖှေး ဝမ်းသာသွားသည်။ အစိမ်းရောင် [ဟော့ခ် ဆေးပုလင်း]နောက်တစ်လုံး ပေါ်ပေါက်လာ၏။မွေးကင်းစကလေးငယ်ကဲ့သို့ ပုလင်းအတွင်းတွင်ရှိနေသည့်ဆေးရည်၏ ဝိညဥ်စွမ်းအင်တို့မှာ ဖှေးအားရင်းနှီးစေသည့် ခံစားချက်ကိုပေးလျှက်ရှိ၏။
YOU ARE READING
Hail the king(1-200)
AdventureFb page name=Hail the king အနောက်တိုင်းဆန်ဆန် တရုတ်ဝတ္ထုတစ်ပုဒ်။ ဖေးဆိုတဲ့ကောင်လေးက ကမ္ဘာတစ်ခုဆီကိုဝိဉာဉ်ကူးပြောင်းသွားတယ်။King Alexander သူကူးပြောင်းသွားတဲ့ ဦးနှောက်မပါတဲ့ဘုရင်တစ်ပါး။ဖေးဟာ ဂိမ်းထဲကလိုကမ္ဘာအပြန်အလှန်ကူးနိုင်တဲ့ဟာကိုအသုံးချပြီး ခရူ...
