Hail the king(1-200)

93

Uni
=======
Hail The King
အပိုင်း(၉၃)

ကြွားဝါတတ်သောလူတစ်ယောက်အနေဖြင့် ဖှေးချယ်စီကဲ့သို့ အလှပဂေးတစ်ယောက်သည် သူ့အားအထင်ကြီးအားကျသွားခြင်းကို အလွန်ကျေနပ်မိနေသည်။

"ဟီးဟီး ဟားဟား...ဟုတ်တယ်လေ အဲ့တာနင်လေကျင့်ဖို့ပဲ..ကိစ္စမရှိပါဘူးတကယ်လို့နင်မကျွမ်းကျင်သေးလို့ အဲ့တာတွေကိုဖြုန်းတီးမိခဲ့ရင်တောင် ငါ့မှာအများကြီးကျန်ပါသေးတယ်....ဒါကြောင့်မို့လို့ နင်လေ့ကျင့်ပြီးပြီး မှော်စွမ်းအင်သုံးလက်နက်ချပ်ဝတ်တွေထုလုပ်တာကိုသေချာလေ့ကျင့်ထားလိုက်......ငါကျွမ်းကျင်ပန်းပဲဆရာမ ချယ်စီစီမှာ မှော်ပစ္စည်းတွေအပ်ဖို့မစောင့်နိုင်တော့ဘူး....."

"ဒါဆို အင်း....ကျွန်မဘာပြောမှန်းတောင်မသိတော့ဘူး.  ကျေးဇူးတင်ပါတယ် ဆရာဖှေး....ဒီနေ့ကစပြီး ဆရာ့အတွက် လက်နက်ပြုပြင်တာတွေ ထုလုပ်တာတွေအတွက် လက်ခတစ်ပြားမှမယူပဲ အခမဲ့လုပ်ဆောင်ပေးပါမယ်....." ချယ်စီမှာ ဖှေး၏ရက်ရောမှုကြောင့် ကျေးဇူးတင်ပျော်ရွှင်သွားသည်။ "ဒီဆိုင်မှာ ဆရာကြိုက်တဲ့ပစ္စည်းတစ်ခုခုကိုလဲ ယူသွားနိုင်ပါတယ်......"

ဖှေး အလွန်ပျော်ရွှင်သွားသည်။

အရိုးသားဆုံးပြောပါက သူဒိုင်ယာဘလိုကမ္ဘာ၏ ဒုတိယမြေပုံကြီးဖြစ်သော လူ့တ်ဂိုလိမ်မြို့ကို ဝင်နိုင်သည့်အချိန်ကတည်းက ချာစီ၏ဆိုင်မှပစ္စည်းများသည် သူ့အတွက်အနည်းငယ်အဆင့်နှိမ့်သွားပြီဖြစ်သည်။ ဖှေး ချယ်စီအပေါ်တွင်ကောင်းရခြင်းမှာ သူမအားလူပုဂ္ဂိုလ်တစ်ဦးအနေဖြင့် ဂရုစိုက်သောကြောင့်ပင်။ အတိအကျဆိုပါက ချယ်စီ၏ ပန်းပဲဆရာမဟူသော အချက်အလက်ကြောင့်ပင်။

ယခင်ကသူကြိုစားခဲ့သည့်အရာအားလုံးမှာ မည်သည့်နေရာတွင်မဆို ဒိုင်ယာဘလိုကမ္ဘာတွင်ဖြစ်စေ၊ အေဇာရုတိုက်၏ ချမ်းဘော့ဒ်တွင်ဖြစ်စေ မှော်ပစ္စည်းများထုလုပ်နိုင်သော ချောမောသည့်ပန်းပဲဆရာမချယ်စီနှင့် ရင်းနှီးလို၍ဖြစ်သည်။ ဤသည်မှာ လျစ်လျှူရှု၍မရသော ရတနာတစ်ပါးပင်။ ချယ်စီသည် ယခုအချိန်တွင် သာမန်ပန်းပဲဆရာမတစ်ဦးသာဖြစ်သေးသော်လည်း သူမသည် လျို့ဝှက်ထူးဆန်းသည့် သံမဏိမှော်တူတစ်ချောင်းကိုပိုင်ဆိုင်ထားပြီး၊ အရည်အချင်းလဲအလွန်ရှိသည်။ ထို့ကြောင့်အနာဂတ်တွင် အကန့်သက်မဲ့သော အလားအလာများစွာရှိ၏။ ယခုအချိန်တွင် သူမသည် ဖှေး၏ ထောက်ပံ့မှုကိုပါ ရရှိထားပြီဖြစ်သဖြင့် သာမန်ပန်းပဲဆရာမတစ်ယောက်အဆင့်မှ တီထွင်ဖန်တီးသူအဆင့်သို့ရောက်ရန်မှာ ဖြစ်နိုင်သွားပြီဖြစ်သည်။ ဤနည်းဖြင့် သူမသည်လည်း ဖှေး၏အနာဂတ်အစီစဥ်များတွင် ပါဝင်ရန် အရေးပါသည့်လူတစ်ယောက်ဖြစ်သည်။