Uni
=====
Hail The King
အပိုင်း(၁၄၁)
"ရှီ...."
ဖှေး သူ၏လက်ချောင်းများကို ပါးစပ်တွင်တေ့ပြီး ကျယ်လောင်စွာလေချွန်လိုက်သည်။ လေချွန်သံသည် မနက်ခင်း လေပြေနှင့် အတူ ပြန့်နှံ့သွားတော့၏။
ထို့နောက်တွင်....
"ဝုတ် ဝုတ် ဝုတ်..."
လေချွန်သံအား တုန့်ပြန်သည့်အနေဖြင့် တောင်အောက်တစ်နေရာမှ ခွေးဟောင်သံတစ်ခုထွက်ပေါ်လာသည်။
လူအများ ဘာမှန်းမသိဖြစ်နေဆဲ၌ပင် အလွန်ကြီးမားသော ခွေးနက်ကြီးတစ်ကောင်သည် အရှေ့ဘက်တောင်ထိပ်ပေါ်သို့ရောက်လာတော့သည်။ ဤခွေးနက်ကြီးရောက်လာသည်မှာ သိပ်မထူးဆန်းသော်လည်း ပန်းပွင်းကလေးပွင့်ကဲ့သို့ မိန်းကလေးတစ်ဦးသည် ခွေးနက်ကြီး၏ ကြောပေါ်တွင် စီးနှင်းလိုက်ပါလာရင်း ဖှေးအား ပြုံးပြနေသည်။
သူမမှာ ဘုရင်ငယ်၏ ဇနီးလောင်းဖြစ်သည့် အန်ဂျယ်လာပင်။
အရှေ့တောင်ထိပ်ရှိလူများအားလုံး ထိတ်လန့်အံ့သြသွားကြကာ ဖှေးအား နတ်သမီးလေးတစ်ပါးကဲ့သို့ ပြုံးပြနေသော အန်ဂျယ်လာထံမှ သူတို့၏မျက်လုံးများကို မခွာနိုင်ကြချေ။ တစ်ဖက်တွင် ဖှေးမှာ ရယ်မောနေသည်။ ရွှေရောင်နေရောင်ခြည်သည်အန်ဂျယ်လာ၏ ခန္ဓာကိုယ်အားထွန်းလင်းလိုက်ပြီး လူအများမှာ မူကြိုကလေးတစ်ယောက်၏ လှည့်စားခြင်းခံလိုက်ရသော လူပိန်းတစ်ယောက်ကဲ့သို့ပင် ခံစားလိုက်ရ၏။
"ဘာတွေဖြစ်ကုန်တာလဲ..."
"ဒါဘယ်လိုလုပ်ပြီး ဖြစ်နိုင်မာလဲ..."
ခုနက ဖြစ်ပွားခဲ့သည့် တိုက်ပွဲမှာ ဝရုန်းသုန်းကာယဆန်လှသော်လည်း ပဲရစ်လက်ထဲတွင် ဓားစာခံအဖြစ် အဖမ်းခံထားရစဥ် သူမ၏ချစ်သူ မှန်ကန်သည့်ဆုံးဖြတ်ချက် ချနိုင်စေရန်အတွက် ဤမိန်းကလေး မိမိကိုယ်မိမိသတ်သေသွားသည်ကို လူအများအပြားမြင်လိုက်မိကြသည်။ လူအများအပြားထိုမြင်ကွင်းကြောင့် ကြေကွဲသွားခဲ့ကြရသည်။ သွေးအေးသော ပဲရစ်တစ်ယောက်ပင် ဝမ်းနည်းသွားခဲ့ပြီး အန်ဂျယ်လာ၏ရုပ်အလောင်းအား ဖှေးထံသို့ လိုလိုလားလားပြန်ပေးခဲ့သည်။ ဘုရင်ငယ်မှာလည်း အလွန်ဒေါသဖြစ်သွားပြီး ပဲရစ်ဘက်ခြမ်းမှ ကြယ်အဆင့်စစ်သည်များစွာကို ရက်စက်စွာသတ်ဖြတ်ပစ်ခဲ့သည်။
YOU ARE READING
Hail the king(1-200)
AdventureFb page name=Hail the king အနောက်တိုင်းဆန်ဆန် တရုတ်ဝတ္ထုတစ်ပုဒ်။ ဖေးဆိုတဲ့ကောင်လေးက ကမ္ဘာတစ်ခုဆီကိုဝိဉာဉ်ကူးပြောင်းသွားတယ်။King Alexander သူကူးပြောင်းသွားတဲ့ ဦးနှောက်မပါတဲ့ဘုရင်တစ်ပါး။ဖေးဟာ ဂိမ်းထဲကလိုကမ္ဘာအပြန်အလှန်ကူးနိုင်တဲ့ဟာကိုအသုံးချပြီး ခရူ...
