Hail the king(1-200)

48

Uni
======
Hail The King
အပိုင်း(၄၈) "မပြီးဆုံးသေးသည့် လူသတ်ပွဲ"

"အား........"

သေဆုံးသွားပြီဖြစ်သော ရန်သူအရာရှိ၏ အနီးအနားတွင်ရှိသော စစ်သားများအလွန်အမင်းထိတ်လန့်ကုန်ကြသည်။သူတို့၏ စိတ်များမှာ မခံနိုင်ကြတော့ပဲ စတင်ပြိုလဲကုန်ကြတော့သည်။ အသဲအသန်ဖြင့် ဖှေး တို့အဖွဲ့အနားမှထွက်ပြေးရန်ကြိုးစားကြသော်လည်း ကံမကောင်းစွာပင်သူတို့၏အနောက်တွင်လည်း ဒိုင်းကာများလှံများဖြင့် ဖွဲ့စည်းပုံတစ်ခု ဆက်ရှိနေပြီး။ ထိုဖွဲ့စည်းပုံမှ သူတို့၏ရဲဘော်စစ်သားများမှာ သူတို့အား နောက်ဆုတ်ခွင့်မပေးပေ။ ပြန်တွန်းလွှတ်ကြသည်။ထို့နောက်တွင် ဖှေးတို့လက်ချက်ဖြင့်သေဆုံးကုန်ကြသည်။ ပြင်းထန်လှသော ဒဏ်ရာများမှာ သူတို့အား ချက်ခြင်းမသေဆုံးစေပေ။ အလွန်အမင်းနာကြင်စေပြီးမှသာ အသက်ထွက်ကုန်ကြ၏။

ဖှေး သူ၏ လယ်ဗယ်(အဆင့်) ၁၂ လူရိုင်းဇာတ်ကောင်၏ ပုဆိန်အား ကိုင်ဆောင်လိုက်ပြီး ရန်သူအရာရှိအား သတ်ပြီးသော် အားကုန်ဝှေ့ရမ်းလိုက်သည်။ သူ၏ အနီးနားတွင်ရှိသော ရန်သူစစ်သားများမှာ ပြေးရန်ပင် အချိန်မရချေ။သူတို့ကိုင်ဆောင်ထားသော လက်နက်များနှင့် အတူ ခါးလယ်မှစပြီး နှစ်ပိုင်းပြတ်ကုန်ကြသည်။

ဖှေး၏ အနောက်တွင်လည်း လေးလံသောသံမဏိချပ်ဝတ်များဖြင့် လုံခြုံစွာကာကွယ်ထားသော ပီးရာ့စ် နှင့်တကွ လူသန်ကြီးများမှာ ကြောက်ရွံ့နေပြီးဖြစ်သော ရန်သူ့စစ်သားများအား ရက်စက်စွာ သတ်ဖြတ်လျက်ရှိသည်။

သူတို့၏ လေးလံထူထဲလှသော သံမဏိချပ်ဝတ်များကြောင့် ရန်သူ့တိုက်ခိုက်မှုများကို ဂရုစိုက်စရာမလိုပေ။ တဖက်တွင်လည်း သူတို့၏ ကြီးမားသော လက်နက်ကြီးများသည် ရန်သူ့များ၏ အသက်အား မရပ်မနား ရိတ်သိမ်းလျက်ရှိ၏။အကယ်၍ရန်သူများက တိုက်ခိုက်မှုများအား ကာကွယ်နိုင်ပင်လျှင် တိုက်ခိုက်သည့်အားမှာ ကြီးမှားလှသောကြောင့်အဝေးသို့လွှင့်စင်ပြီး စုတ်ပြတ်သွားကြမည်ဖြစ်သည်။

ဤသည်မှာ ဒေါသဖြစ်နေကြသော လူသန်ကြီးများနှင့် အနီးကပ်တိုက်ခိုက်ရာတွင်ရရှိသည့် ရလဒ်များပင်။