Hail the king(1-200)

77

Uni
======
Hail The King
အပိုင်း(၇၇) "နောက်တစ်ပုလင်းကျန်သေးတယ်"

လွန်ခဲ့သည့်၁၀ရက်ခန့်က ဘုရင့်အစောင့်တပ်ဖွဲ့၏  ဒုတိယခေါင်းဆောင်အား ဘုရင်မှ စစ်ဘက်ဆိုင်ရာတွင် အမြင့်ဆုံးရာထူးသို့ တိုးမြှင့်ပေးခဲ့သည်။ ဘရွတ်မှာ ယခုအချိန်တွင် ချမ်းဘော့ဒ်၏ စစ်ဘက်ဆိုင်ရာကိစ္စများကို လုံးစုံကိုင်တွယ်ထားသူဖြစ်၏။ဝန်ကြီးချုပ်ဘတ်စ်နှင့်အတူ ချမ်းဘော့ဒ်၏ အကြီးအကဲနှစ်ဦးထဲမှ တစ်ဦးအဖြစ်သက်မှတ်ခြင်းခံရသည်။ ကြယ်တစ်လုံးအဆင့်စစ်သည်ဘရွတ်၏အနာဂတ်မှာ ရုတ်တရက်ပင်မြှင့်မားသွားခဲ့ပြီး ချမ်းဘော့ဒ်တွင် အလွှမ်းမိုးနိုင်ဆုံးပုဂ္ဂိုလ်များထဲမှ တစ်ယောက်အပါဝင်ဖြစ်လာခဲ့သည်။ အရင်ကသူ့အား အဖက်မလုပ်ခဲ့သော လူကုံတံကြီးများပင်လျှင် သူတို့၏မျက်နှာတွက်ကြီးမားသောအပြုံးများဖြင့် ဘရွတ်အားသူတို့အိမ်တွင်ကျင်းပသော ပါတီပွဲများသို့ တလေးတစားဖြင့် မကြာခဏဖိတ်ခေါ်နေကြသည်၊ လက်ဆောင်ပနာများပေးကြသည်၊ လှပသောအစေခံမလေးများပို့ပေးကြသည်။ သူ၏အိမ်သို့ လာရောက်လည်ပတ်နှုတ်ဆက်သောလူများမှာလဲ မနက်မှစပြီးညရောက်သည်ထိ ပြည့်နှက်နေ၏။

တခြားသူများဆိုပါက ထိုကဲ့သို့အခြေအနေသို့ရုတ်တရက်ရောက်ရှိသွားပါက ဘဝင်မြင့်သွားနိုင်သည်။သို့သော် ဆင်းရဲသည့်မိသားစုတစ်ခုမှ မွေးဖွားလာသောဘရွတ်မှာ သူ၏ရိုးသားဖြောင့်မက်ခြင်း၊ ခင်မင်ရင်းနှီးစွာနေတတ်ခြင်းတို့ကို ကိုင်စွဲထားဆဲပင်။ သူနှင့် အကျိုးစီးပွားဖြစ်ရန်အတွက် ခင်မင်ရင်းနှီးရန်ကြိုးစာနေသူများအပေါ်တွင် ဘရွတ်၏ တုန့်ပြန်ပုံမှာ အတော်အံ့သြစရာကောင်းသည်။ ထိုသူများအား သူလက်ခံမည်လဲမဟုတ်၊ ငြင်းဆန်မည်လဲမဟုတ်ပေ။ သူ၏ တံခါးဝသို့ရောက်လာသူမှန်သမျှအား အတော်အတန်စိတ်ကျေနပ်မှုရှိစေရန် ဆောင်ရွက်ပေးမည်ဖြစ်သည်။

ချမ်းဘော့ဒ်တိုင်းပြည်သည် စစ်ပွဲအပြီးတွင် အင်အားနည်းသွား၍ ပြန်လည်ထူထောင်နိုင်ရန်အချိန်ယူရဦးမည်ဖြစ်သည်။ ထို့အပြင် လာမည့်နှစ်ဝက်ခန့်တွင် ချမ်းဘော့ဒ်သည် ဇီးနစ်အင်ပါယာမှကျင်းပမည်ဖြစ်သည် သေရေးရှင်ရေးတမျှအရေးကြီးသည့် စစ်ဘက်ဆိုင်ရာလေ့ကျင့်ရေးပြိုင်ပွဲတွင်လည်း ဝင်ရောက်ယှဥ်ပြိုင်ကြရဦးမည်ဖြစ်သည်။ ဘုရင်အလတ်ဇန္ဒားပြောကြားချက်အရ သူတို့၏အရှေ့တွင်ရှိသောရည်ရွယ်ချက်မှာ တိုင်းပြည်အတွင်းရှိ စွမ်းအားများအားလုံး အမြန်ဆုံးပေါင်းစည်းတည်ဆောက်ရန်ဖြစ်သည်။ ထို့ကြောင့်ပင် ဘရွတ် ဘုရင်နှင့် ဆွေကြီးမျိုးကြီးပုဂ္ဂိုလ်များအကြားတွင် တိုင်းပြည်တွင်းအမြင်မကြည်လင်မှုများ မဖြစ်စေလိုပေ။ ထို့ကြောင့်ပင် သူရင်းနှီးမှု အနည်းငယ်မျှခန့်တော့ တည်ဆောက်ထားရမည်ဖြစ်သည်။