Hail the king(1-200)

66

Uni
======
Hail The King
အပိုင်း(၆၆) "ပေါင်းစပ် သတ်ဖြတ်မှု"

သို့သော် ဖှေး ယခုအချိန်တွင် နောက်ဆုံးခေါင်းဆောင်ကြီးနှင့် တိုက်ခိုက်ရန်အစီစဥ်မရှိသေးပေ။ ထို့ကြောင့် [ဘုရားကျောင်းအဝင်ဝ]သို့ ရောက်ရှိသည်နှင့်ဖှေး ပထမဆုံးသွားသည့်နေရာမှာ ဘုရားကျောင်းအပြင်ဘက်ရှိ အဆောက်ဦးတစ်ခုအတွင်းသို့ပင်။

ချယ်စီလိုအပ်သော မှော်တူမှာ ထိုအဆောက်အုံအတွင်းတွင်တည်ရှိသည်။ တူအား ရှာဖွေယူဆောင်ပြီး [သူပုန်စခန်း]ရှိ ချယ်စီအားပေးလိုက်သည်နှင့် တပြိုင်နက် ချယ်စီမှနေ၍ ဖှေး၏ ပစ္စည်းများတွင် မှော်စွမ်းအင်၊ ဂုဏ်သတ္တိများ ပေါင်းထည့်ပေးမည်ဖြစ်သည်။

ဖှေးအရင်က ဒိုင်ယာဘလိုဂိမ်းဆော့ခဲ့ဖူးသော အတွေ့ကြုံများကြောင့် အနည်းငယ်ခန့်အကြာတွင်ထိုအဆောက်ဦးအား ရှာတွေ့သွားသည်။ ထိုနေရာမှာ အဆောက်ဦးဆိုသည်ထက် ဝင်္ကပါကြီးတစ်ခုကဲ့သို့ပင်။ အဆောက်ဦးထဲတွင် လျှောက်လမ်းများစွာနှင့် မှောင်မိုက်နေသော အခန်းများစွာတို့ဖြင့် ပြည့်နှက်နေ၏။ ဖှေးနှင့် အယ်လီနာတို့ ထိုအခန်းများအတွင်းသို့ ကြည့်ရုံဖြင့်ပင် မူးမိုက်မိုက်ဖြစ်စေ၏။ အတွင်းရှိ လေထုမှာ စိတ်ဓာတ်ကျစရာပင်။အော်ဟစ်သံများ၊ လေတိုးသံများ၊ သွေးများဖြင့် အေးစက်စိုစွတ်နေသော ကြမ်းပြင်ပေါ်တွင်လည်း ကြွက်ကြီးများ ဖြင့်ပြည့်နက်နေကြသည်။ နေရာတစ်ခုလုံး ငရဲခန်းကဲ့သို့ပင်။

လျှောက်လမ်းများ၊ မှောင်မိုက်သော အခန်းများအတွင်းတွင် အဆင့်မြင့်မကောင်းဆိုးဝါးများ လှည့်လည်သွားလာနေကြသည်။ သူ့တို့နှစ်ယောက် ရှေ့ဆက်သွားသည့်အချိန်တိုင်းတွင် ကြမ်းပြင်ပေါ်သို့သွေးများ ဖုံးလွှမ်းသွားရသည်။ အန္တာရယ်များမှာ နေရာအနှံ့တွင် ပုံးကွယ်နေကြသည်။

သူတို့နှစ်ယောက် ထိုအဆောက်ဦးအတွင်းသို့ဝင်သည့်အချိန်မှစ၍ မကောင်းဆိုးဝါးများနှင့် တိုက်ခိုက်သတ်ဖြတ်ရသည်မှာ ဆက်တိုက်ပင်။ နာရီဝက်ခန့်ကြာပြီးနောက်တွင် ဖှေးနှင့် အယ်လီနာတို့ ကိုယ်ပေါ်တွင် သွေးများ၊ အရိုးစများဖြင့် ဖုန်းလွှမ်းကုန်တော့၏။ သို့သောျသူတျို့နှဈယောကျလုံးနောကျဆုံးတှငျ တူသိမ်းဆည်းထားသည့် အခန်းအားတွေ့ရှိလိုက်ရသည်။