စာစဥ် ၃၆ : အပိုင်း ၄
အပိုင်း ၆၇၄ : လင်းဖုန်း၏ အဆုံးအမများ
ယွင်တောင်ထိပ်ပေါ်မှ အလယ်ဗဟို မဟာခန်းမဆောင် အတွင်းတွင် အခြေခံ တပည့်များသည် ချစ်ကြည်ရေး ပြိုင်ပွဲအား ပုံရိပ်ထုတ်လွှင့်မှုမှတဆင့် ကြည့်နေကြသည်။
သူတို့သည် ဇူရုံ၏ အပြုအမူများကို တွေ့လိုက်ရသောအခါ ဒေါသတကြီးနှင့် ကျိန်ဆဲလိုက်ကြ၏။ "သူက သေချင်နေတာပဲ"
"သူက ယုကျင်းတောင်ပေါ်မှာတောင် ငါတို့ကို ရန်စရဲတယ်။ ဂရန်းမာစတာနဲ့ အကြီးအကဲတွေက သူ့ကို ဘာဖြစ်လို့ သင်ခန်းစာ မပေးလိုက်တာလဲ"
ဤအချိန်တွင် မှော်စွမ်းအင် တစ်စက ခန်းမဆောင်အတွင်းတွင် ရုတ်တရက် ပေါ်လာခဲ့သည်။ သူသည် လူငယ်တစ်ယောက် အသွင်သို့ ပြောင်းသွားခဲ့၏။ သူသည် ရှောင်ယန်ဖြစ်သည်။
အားလုံးတို့သည် သူ့အား တွေ့လိုက်ရသောအခါ အလောတကြီးနှင့် နှုတ်ဆက်လိုက်ကြ၏။ "အကြီးအကဲရှောင်"
ရှောင်ယန်သည် သူတို့အား ကြည့်လိုက်ကာ ပြုံးလိုက်သည်။ "မဆိုးဘူး။ မင်းတို့အားလုံးတို့က စိတ်ဓာတ်ကောင်းတွေ ရှိကြတယ်"
သူသည် ပုံရိပ်အတွင်းမှ ဇူရုံအား ညွှန်ပြလိုက်ကာ ရယ်လိုက်၏။ "ငါက ဂိုဏ်းကို ပထမဆုံး ဝင်စတုံးက မင်းတို့ရဲ့ ဂရန်းမာစတာက ငါ့ကို သင်ခန်းစာတစ်ခု သင်ပေးခဲ့တယ်။ ဒီဇူရုံက ဥပမာကောင်း တစ်ခုပဲ။ ငါကမင်းတို့ကို ပြန်ပြောပြမယ်"
အခြေခံတပည့် တစ်အုပ်စုသည် အာရုံစိုက်လိုက်ကာ ရှောင်ယန်၏ စကားများကို အလေးအနက် နားထောင်နေကြသည်။ ဘာပဲပြောပြော ဒါသည် လင်းဖုန်း၏ လွန်ခဲ့သော အချိန်များစွာက အဆုံးအမဖြစ်သည်။
လင်းဖုန်းသည် ယခုနှစ်များအတွင်းတွင် ပို၍စွမ်းအား ကြီးမားလာသောအခါ အခြေခံတပည့်များအား ညွှန်ကြားပြသပေးရသော အလုပ်သည် ရှောင်ယန်၊ ဇူရီနှင့် အခြားသူများ၏ အပေါ်သို့ ကျရောက်လာခဲ့၏။ အခြေခံ တပည့်များသည် လင်းဖုန်းအား တစ်ခါတစ်လေမှ တွေ့ရကာ သူ၏ သင်ခန်းစာများကို နားထောင်ရ၏။၊
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
