စာစဥ် ၅၈ : အပိုင်း ၂
အပိုင်း ၁၁၁၂ : မြောင်ရှီးဟောင်၏ တံခါးပိတ်နေရာမှ ထွက်လာခြင်း
ဇူရီနှင့် ဆက်သွယ်မှု ဖြတ်တောက်လိုက် အပြီးတွင် လင်းဖုန်းသည် ခံစားချက် များစွာဖြင့် သက်ပြင်းချလိုက်သည်။
လွန်ခဲ့သော နှစ်ပေါင်းများစွာက ရှီထျန်းဟောင်၏ အဖိုးဖြစ်သူ ရှီကျုံးထျန်းသည် သူ၏ မွေးကင်းစ မြေးလေးအတွက် အထူး လက်ဆောင်များကို ပြင်ဆင်ပေးရန် ဟင်းလင်းပြင် စစ်တလင်း အတွင်းသို့ ဝင်သွားခဲ့၍ တစ်ခါမှ ပြန်ပေါ်မလာခဲ့ပေ။
ရှီထျန်းဟောင်၏ မိဘများ ဖြစ်ကြသော ရှီဇီလင်နှင့် သူ၏ဇနီးတို့သည် သူတို့၏ ဖခင်ကို သွားရှာရန်အတွက် ဟင်းလင်းပြင် စစ်တလင်း အတွင်းသို့ လိုက်ဝင်သွားကြ၏။ ရှီထျန်းဟောင်ကလည်း ရှီထျန်းရီ မိသားစု၏ အန္တရာယ် ပေးခြင်းကို ခံခဲ့ရကာ သူ၏ အန္တိမတာအို အခြေခံ အခိုးယူ ခံခဲ့ရပြီး သေဘေးမှ သီသီလေး လွတ်မြောက်ခဲ့သည်။
မူလတွင် ရှီဇီလင်နှင့် သူ၏ ဇနီးတို့သည် ဟင်းလင်းပြင် စစ်တလင်း အတွင်းမှ လွတ်မြောက်လာနိုင်ကြသော်လည်း ယုမိသားစုနှင့် ရှီထျန်းရီတို့၏ ပူးပေါင်း လုပ်ကြံမှုကြောင့် ဘာမှ ရွေးချယ်မှု မရှိပဲ ဟင်းလင်းပြင် စစ်တလင်း အတွင်းသို့ ပြန်လည် ဝင်ရောက်သွားကြရသည်။ ထိုကတည်းက သူတို့၏ သတင်းအား ယခုအချိန်အထိ မကြားရတော့ပေ။
ရှီးလင်မြို့ တိုက်ပွဲအပြီးတွင် ရှီမိသားစု၏ ခေါင်းဆောင်ဖြစ်သော ရှီဝူနှင့် ရှီကျုံးထျန်းတို့သည် ရှီဇီလင်နှင့် သူ၏ ဇနီးတို့အား ရှာဖွေနိုင်ရင် ဟင်းလင်းပြင် စစ်တလင်းတို့ အသီးသီး ဝင်သွားကြကာ အကြိမ်ပေါင်းများစွာ ရှာဖွေခဲ့ကြသော်လည်း ဘာသတင်းမှ မရခဲ့ကြပေ။
အံ့ဖွယ် ကောင်းကင်ဘုံဂိုဏ်းနှင့် မဟာချင် အင်ပါယာတို့မှ အခြား ကျင့်ကြံသူများနှင့် အံ့ဖွယ် ကောင်းကင်ဘုံဂိုဏ်း၏ အစွမ်းထက်သော မဟာမိတ်များတို့ကလည်း ဟင်းလင်းပြင် စစ်တလင်း အတွင်းသို့ ဝင်ရောက်ခဲ့ကြသည့် အချိန်တိုင်းတွင် သူတို့အား ကူညီ၍ ရှာဖွေပေးခဲ့ကြသည်။
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
