စာစဥ် ၅၁ : အပိုင်း ၁
အပိုင်း ၉၇၁ : နောက်ဆုံး သန့်စင်သော သွေးမျိုးဆက် ကျားဖြူ
တန်ကျွင်းသည် အခြေတည်ဝိညာဥ် အဆင့်မှ အနက်ရောင် ဝတ်ရုံအား ကိုင်ထားကာ အနည်းငယ် အံ့အားသင့်နေသည်။ သို့သော်လည်း ရှောင်ယန်က လျှင်မြန်စွာနှင့် ရှင်းပြလိုက်၏။ "ငါက အင်မော်တယ် ဝိညာဥ် အဆင့်ကို ရောက်သွားအပြီးမှာ ယုကျင်းတောင် ပြင်ပမှာ နောက်ထပ် ဗိမာန်တစ်ခုကို ဖွင့်လှစ်မယ်"
"မင်းရဲ့ ဒုတိယ ဦးလေး၊ တတိယ ဦးလေးနဲ့ အငယ်ဆုံး ဦးလေးတို့က အတူတူပဲ လုပ်လိမ့်မယ်… မင်းရဲ့ တခြားဦးလေးတွေကလည်း အင်မော်တယ် ဝိညာဥ် အဆင့်ကို ရောက်သွားရင် ဒီလိုပဲ လုပ်ကြလိမ့်မယ်… ဒါက မင်းဆရာဘိုးဘိုး ချမှတ်ထားတဲ့ စည်းကမ်းဖြစ်တယ်"
"အခုအချိန်မှာ ပြောဖို့ စောနေသေးတယ်… ငါက နောက်ထပ် ဗိမာန်တစ်ခုကို တည်ဆောက်မယ်ဆိုရင် အကောင်းဆုံး နေရာကို ရှာရဦးမယ်… အခုချက်ချင်း လုပ်နိုင်တဲ့ အရာတစ်ခု မဟုတ်သေးပေမဲ့ အနည်းဆုံး မင်းကိုတော့ ပြောပြထားရမယ်"
တန်ကျွင်းက သဘောပေါက်သွားပြီး သူ၏ခေါင်းအား ညိတ်လိုက်သည်။
ရှောင်ယန်သည် နောက်ထပ် ဗိမာန်တစ်ခုကို ဖွင့်လှစ်လိုက်ပါက သူသည် တာဝန်များကို ပိုယူရမည် ဖြစ်သည်။
ရှောင်ယန်သည် အခြားဗိမာန်သို့ သွားနေပါက သူသည် ယုကျင်းတောင်ပေါ်မှ ငရဲမီး ချောက်ကမ်းပါး အပေါ်တွင် စောင့်ရှောက်ရမည် ဖြစ်သည်။ အကယ်၍ ရှောင်ယန်သည် ယုကျင်းတောင်ပေါ်တွင် နေခဲ့ပါက သူသည် အခြားဗိမာန်တွင် သူ့ဆရာ၏ ကိစ္စများကို ဆောင်ရွက်ပေးရမည် ဖြစ်သည်။
ဟွမ်ကျန်းထင်နှင့် ကျန်သောသူများ အနေနှင့်လည်း အတူတူပင် ဖြစ်သည်။
သူသဘောပေါက်သွားသည်ကို မြင်ရသော အခါ ရှောင်ယန်က သူ၏ခေါင်းကို ညိတ်ကာ ပြောလိုက်၏။ "မင်းရဲ့ ဦးလေးတွေနဲ့ ငါတို့က မင်းတို့ကို ဖိအားတွေ အများကြီး ပေးတော့မယ်… ဒါပေမဲ့ မင်းတို့က ဒီတာဝန်တွေကို စွမ်းဆောင်နိုင်အောင် ငါတို့ကလည်း လုပ်ပေးရမှာ ဖြစ်တယ်"
ESTÁS LEYENDO
ဂန္တဝင်ဂိုဏ်းချုပ် အတွဲ(၄) Unicode
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
